US Le Iran Hi Thongtla Thlennak An Ngei Taktak Lai Maw?

Iran’s top diplomat nih cun ningcang tlai te in US cun thongtla pawl i thlen ding in an sawm hna. A luan ciami thla ruk (6) lio ah khan Iran Foreign Minister Mohammad Javad Zarif nih thongtla pawl i thlen ding hin US sin ah sawmnak a rak tuah cang. Asinain The Trump Administration lei in zeihmanh lehnak an rak tuah rih loh.

US State Department lei in hibantuk in thongtla pawl thlennak ding kong ah an chimmi zei hmanh a um rih lo. Asinain Iran nih hin lamttha an zulh duh a si ah cun US rammi sinak a ngeimi, zeihmanh sualnak a tuah lomi pawl hna hi an chuah khawhmi hna a si ko, tiah an chim.

Iran nih hin Nazanin Zaghari-Ratcliffe, British le Iran mi sinak a ngeimi nu cu kum thum chung an rak hren cang. US lei nih an chim vemi cu, Iran nih US rammi sinak a ngeimi cheukhat pawl an tlaihmi hna hi ningcanglo in an tlaihmi hna an si. Hibantuk in an tlaihmi hna hi lih in sual an puhmi hna an si, tiah an chim ve hoi.

Cubantuk karlak ah US le Iran hi an um lio a si. Cu chinchap ah Iran oil a cawtu ram pawl hna cu US nih phihkharnak a phunphun in a hrem thluahmah fawn cang hna. Iran le US kar buainak hi a linsa lei a panh chin lengmang. Iran Foreign Minister nih cun hibantuk in US a cawlcangh hi Israel le Saudi Arabia hna nih an forhmi a si, tiah a chim ve hoi.