US National Intelligence Agency Director Mr Dan Coats Nih Trump Cu A Chuah Tak Hoi Cang Lai A Ruang

US National Intelligence Agency (NIA) Director Dan Coats nih a rian a tleih cuahmah mi hi kum 17 chung bak a t’uan khotu pa salt’ha a si. cu pin ah CIA rian t’uan nak ah le National Security Agency rian t’uan nak hna cu nei niamte in a pehtleihter khotu a si tiah an chim. Director Dan Coats hi Trump cozah nih an i chuankhan ngaingai pi a si.a bik in CIA rian t’uan nak ah le NIA rian t’uan nak ah cun hawi hlei in an i bochan ngaimi a si ko na in ruahlo pi ah Director Dan Coats nih cun ka rian hi Aug thla 15 ah ka chuah tak lai tiah a chim.

Director Dan Coats le Trump hi cu hlan zongah an rian t’uan ning konghe pehtlai in bia al nak tete an rak ngei balcang. a ruang cu President Trump nih Foreign Policy a hman ning cu Director Dan Coats nih a cohlan khawh lo mi tampi a um. President Trump nih Russian President Vladimir Putin cu hmai tonh ton biaruahnak a rak ngeihpi lio ah khan Director Dan Coats cu National Intelligence Agency Director a sinak bantuk tein Trump nih zei bia hmanh a chim duhlo.asinain Trump le Dan Coats karlak thil umtu ning hna cu mi zei hmanh nih an rak phozar bal hna loh.

 

Trump nih cun Director Dan Coats nih US National Intelligence Agency (NIA) Director kum 17 chung rian a kan t’uan piak mi cung ah soisel nak le thangchiatnak zei hmanh a um lo mi pa a si tiah conglomhnak bia a chim na in Director Dan Coats rian chawngtu dingah House of Representative Palai chungin Mr John Ratcliffe cu timh tuah a si cang tiah a chim.cun, Director Dan Coats hi US Ambassador to Germany le US Senator rian a rak t’uan bal cangmi a si caah mi tampi hna nih cun zei tik ah dah Trump hi a chuah tak lai tiah an ruah mi a si tiah an chim.

 

Asinain Director Dan Coats nih cun a rian chuah tak a timh mi konghe pehtlai in zei bia hmanh a chim lo.kum zei maw zat chung ram caah rian ka t’uan cang i a tu ah cun kum 76 ka si cang caah ka rian cu chuah tak in t’an lak t’han ka duh caah a si tiah a chim.cu ruang kha ruang zet ah ti mi zei hmanh an langhter loh.

Source: BBC