US National Security Advisor John Bolton Caah Cun Zeitluk In Dah A Fak Lai Mu

America president Donald Trump le US National Security Advisor John Bolton hna hi America nih North Korea, Iran, Afghanistan, Russia le Venezuela ram hna sin ah foreign policy a hman ning cu an lung an i tlinh lo i, National Security Advisor John Bolton nih hi thil kongah Trump cu America president si hmanh sehlaw a mah nawl lawng in rian a t’uan awk a si lo,zei thil paoh ah a ka chimh ruah awk a si tiah a rak chim.America nih foreign policy a hman mi kongah Trump cu sual a phawt.

Trump and Robert O’Brien photo.

America president Donald Trump nih cun kan hnung zarh ah khan US National Security Advisor John Bolton cu a rian in chuah a si tiah a rak chim.asinain Trump nih a ruang zei hmanh a langhter chihlo.a mah belte thawngzamhtu tampi hna nih an chim mi cu Trump le John Bolton hna hi an karlak ah itheih thiam caan zei maw zat a si cang tiah an chim i a bik in an i theihthiam lo nak cu Trump nih foreign policy a hman ning a duh lo ruangah a si tiah an chim.

 

President Donald Trump nih zahan ah a chim mi cu National Security Advisor John Bolton cu America ram le mipi caah caan saupi chung foreign policy rian a kan t’uan piak cang.asinain a tu cu a mah ai awh tu ah (National Security Advisor ) rian t’uantu dingah cun Robert O’Brien thim a si cang.National Security Advisor John Bolton he cun rian kan t’uan ti lai lo.cu hlan ah ram le miphun caah rian a t’uan mi cungah kan i lawm tiah a chim.

National Security Advisor John Bolton ai awh tu ah Trump nih a thim mi pa hi hlan lio pi in Trump nih a rak tumtah cia mi a si. Robert O’Brien nih hin a tu ah US Department of State ah Trump special envoy for hostage affairs chungtel a si pin ah Republican foreign policy rian le Attorney rian caan saupi a rak t’uan baltu a si.

Source: BBC

Author: Salai Ephraim