American Navy team pahnih hna cu nizan in South China Sea rili lei hawih in an kal cuahmah i China Navy team hna zong Islands tikulh in an ra cuahmah ve tiah an chim.Cun US Navy team in a kal cuahmah mi hna hi USS Preble le USS Chung Hoon hna an si tiah an chim.
US nih a tu bantuk in China Navy team a challenge mi hna hi international law phungning te in a tuah mi a si i kum 2019 chungah a tuh hi China a voi 3nak a challenge a si cang tiah US Navy Cdr. Clay Doss nih cun a chm.
Cun China nih South China Sea rili ah biatak tein t’an lak hram a thawk hi 2018 in a si a ralthuam le hriamnam t’ihnung pawl vialte hna cu khi hmun ah khin a chiah dih men hna lai tiah ruah a si.cun South China Sea rili bia tak tein a humhak hnu in China cozah cu hriamnam lei ah biatak tein an t’hangcho cuahmah cang tiah an chim.
US Navy Cdr. Clay Doss nih a chim ningah cun China cozah nih ningcanglo in South China Sea rili cu a humhak i mizei hmanh pal lo dingin mivialte hna cu para a kham kanh hna!China nih khi hmun khin mi zei hmanh a kham hna i ramkhelnak rian a t’uan awk a si lo!South China Sea rili cu mi zei paoh nih pal kai khawh mi hmun a si,mi zei ta hmanh a si lo caah China nih a humhak awk a um lo tiah a chim.
US Navy team hna nih a tu bantuk in China cozah cu South China Sea rili ah a challenge nak hi i tuk den duh ruangah si lo in China cozah nih South China Sea rili zei set dah a tuah ti dothlat duh ah a challenge hi a si deuh tiah an chim.South China Sea rili ah China nih hriamnam t’ihnung missile bomb hna le a ralthuam tampi a chiah cang hna i cu hlan bantuk in khi South China Sea rili ah mi zei hmanh ngatlai le ram dang mi a chawk vak mi an um ti lo ruangah hmai tonh tein US nih theih a duh bi a si deuh tiah an chim.
