US Nih Iran He Remdaihnak Ser A Duhtuk Ah Iran Nih Thil Sual A Tuahmi Cu Pheh Piak Phun In Bia A Chim Ko Cang

American cozah le Iran cozah i huatnak ruangah President Trump biachim mi le secretary of state Mike Pompeo biachim mi aa dangmi a lo ko cang.ni za naite i Gulf of Oman rili ah Oil tankers tilawng pahnih cu kah piak an si i.hi kah nak konghe pehtlai in Washington cozah le Israel nih cun Iran cozah nih a tuah mithil a si tiah fiang tein an chim cang.

Cun American president Trump nih cun Iran ram he ral a doh dingah timhcia ka si,zei zong te timhcia in ka chiah dih i voi khat nawl ka pek hna an si ah cun,cu ni le caan cu Iran ram dih dongh ni a si lai tiah a rak chim cang.asinain US secretary of state Mike Pompeo nih cun Iran cozah nih Gulf of Oman rili ah Oil tankers tilawng pahnih cu Iran nih ruahlo pi in a kah sual mi a si tiah a chim.cun zei tik hmanh ah American cozah nih Iran he ral i doh cu kan i timh mi zong a si lo i a timh zong kan i timh mi a si loh tiah a chim fawn.

 

US secretary of state Mike Pompeo nih Iran ram konghe mah bantuk bia a chim hi tuchun ah Fox News tawl reltu hna nih interview an tuah i cu interview an tuah nak ah cun a chim hi a si.a mah belte secretary of state Mike Pompeo nih a chim mi pakhat te cu Iran nih US cozah he remdaihnak tuah a duhlo a si ah cun hmailei ah US nih zei tin a tuah te lai ti cu chim khawh a si rih lo tiah a chim.

Cun American cozah nih cun zei tik hmanh ah Iran cozah nih hriamnam t’ihnung taktak mi le vawlei pi a rawk khotu ding hriamnam hna cu Iran nih a neih le a ser cu kan duhlo caah,American nih kan target cem mi cu Iran nih cu bantuk hriamnam a neih khawh lo dingmi kha a si a ti.cun UK foreign secretary, Jeremy Hun nih cun Iran nih a tu ah Oil tankers pahnih a kah mi hna cu London cozah nih Iran thil ti a si lai tiah an ruat lo.cun Iran nih US cozah he an buai nak ruangah hi thil hi a tuah duh lai tiah ka zum lo tiah a chim pin ah US le Iran cu i kap lo ding hrimhrim in kan duh piak mi hna a si tiah a chim.

Source: theguaidian