US Nih Iran Sualnak Cu Tehte He UN Security Council Hmai Ah A Chuakpi Ko Cang

Kan hnu lei ah ah khan Saudi Arabia ramta ci-liah haiba phurtu oil tanker le tanker pa 4 hna cu United Arab Emirates coast an phak ah vawlei tang raltuk nak hriamnam hmang in Houthi ralhrang pawl hna nih an kah ciammam i t’hek darh dih in an rak kah piak hna.cu konghe pehtlai in US nih dothlatnak a tuah tik ah Saudi Arabia Oil tanker pa 4 a kaptu hna hi Houthi ralhrang pawl lawng an si lo Iran nehnang cu fiang tein hmuh a si tiah an chim.

US nih cun Saudi Arabia Oil tanker pa 4 hna hi Houthi ralhrang pawl hna lawng nih cun fawn tein an rawh awk le an doh khawh awk thil a si lo caah ti in dothlatnak an tuah tik ah Iran cawlcangh nak nehnang hna cu fian tein kan hmuh cang caah Iran thil tuahmi a si ti hi fiangtein UN Security council hna hmaika ah tehte he fianternak zong kan tuah lai tiah an chim.

 

US nih mah Iran kongah mah bantuk bia a chim mi cu Iran cozah nih cun audi Arabia Oil tanker pa 4 rawh nak konghe pehtlei in zei hmanh i tel nak le neh nang zong kan nei lo kan nih cu a thiang bak mi kan si tiah biatak tein UN Security Council hna sin ah an rak chim ve.cun US nih mah bantuk a kan puh mi cuIsrael intelligence “MOSSAD”pawl hna nih ningcang lo in an kan puh mi tu a si tiah an chim fawn.

Israeli navy official pawl hna nih cun Iran cozah a cawlcangh ning cu ningcanglo thil a si pin ah Arabia Oil tanker pa 4 zong hi kah le rawh an rak timh cang hna i a tutan ah thil a cangmi zong hi an tuah sual mi konghe pehtlai in tehte he fianternak cu US nih a tuah awk a si cang.Iran nehnang a langh ningah cun Arabia Oil tanker pa 4 chungah rian t’uantu hna hi thah dih an timh hrimhrim hna pin ah an tilawng zong khanh dih an timh mi hna cu tehte fiang tein hmuh a si cang tiah a chim.

Source: BBC