US Nih Standard Missiles SM-2 Cu Japan Le South Korea Cozah Sin Ah Zuar A Timh

American cozah nih a hriamnam t’ihnung a neih mi chung in Standard Missiles SM-2 cu Japan cozah le Sourth Korea cozah sin ah zuar dingin biachahnak a tuah cang tiah an chim.US nih hi Standard Missiles SM-2 zuar a timh mi hi van cung ah a zuang cuahmah mi raltuknak vanlawng a si lo ah hriamnam bomb dangdang hna pawl kah nak caah an hman mi hriamnam a si tiah an chim.

US, Standard Missiles SM-2 photo.

US cozah nih cun hi hriamnam a neih mi Standard Missiles SM-2 cu Japan le Sourth Korea cozah hna nih caan saupi chung cawk dingin an kan hal peng caah Japan le South Korea cozah hna nih an ram humhim nak ding caah cawkter dingah biachahnak kan tuah hi a si tiah a chim.

 

 

Cun hi Standard Missiles SM-2 cu meng 167 tluk a hlatnak hmun khin raltuk nak caah sermi hriamnam a si i,hi Standard Missiles SM-2 hi Japan le South Korea hna nih an neih khawh a si ah cun North Korea cozah hna sin in tampi a ven khawh hna ding a si caah pek an si lai tiah a chim fawn.

 

US nih Japan le Sourth Korea sin ah zuar a timh mi Standard Missiles SM-2 hna hi dollar $ 600 million renglo man an si i.South Korea cozah nih cun Standard Missiles SM-2 lawng hi a cawk lai.asinain Japan nih cun Standard Missiles SM-2 le anti-air AMRAAM a cawk lai tiah an chim.

 

Source: BBC