US: Pentagon Nih Cun China Nih South China Sea Ah Missile Bomb A Chiah Mi Ruangah Rian Kan Tuan Kho Loh

China cozah nih hin South China Sea rili cu mi zei ram hmanh nih an pal lo nak ding hmun a tuah i cucu para bak a kham piak hna i,China nih cu para kan kham nak hmun a rak sat mi le a lam ngam mi hna cu kah bak an si lai tiah a chim.cu pin ah China cozah nih cun South China Sea rili hmun an khuar i a tu ah cun hriamnam tampi zong an ser cang.cun,South China Sea rili ah cun China cozah nih hriamnam t’ihnung mi”Chinese missile launch “bomb cu an chiah.

China cozah nih hi tibantuk in South China Sea rili ah hmun a khuar i ram dang mi hna pai lo dingin para a kham nak konghe pehtlai in kan hnung zarh chungah khan Chak-Thlang um mi Asian ram uk bawi pawl hna cu ton biaruahnak an rak nei cang i,philippines president Rodrigo Duterte nih cun China cozah nih a tubantuk in South China Sea rili ah hmun khuar in a humhak peng ding a si ah cun South China Sea rili kongah phunghram thar kan ser t’han a hau lai tiah a rak chim.

Cun, American Pentagon cozah nih cun South China Sea rili konghe pehtlai in kan duh ningin rian t’uan khawh a si lo nak bik cu China cozah nih a tu ah khin South China Sea rili ah t’ihnung ngai mi”missile bomb”a chiah caah a si tiah a chim.cun South China Sea rili kongah biatak tein tlang vun tlak dingah cun China cozah le Taiwan cozah karlak ah thil t’halo taktak mi a chuak kho fawn tiah a lungre theih nak Pentagon nih a chim.

Cu pin ah China cozah nih South China Sea rili ven nak caah a hriamnam zei maw zat le a ralkap hna cu Beijing ah zei maw zat a chiah hna i South China Sea rili ah zei maw thil a can sual a si ah cun zei hmanh chim lo in China cozah nih a hriamnam cu hman a timh hna tiah an chim.China cozah nih hin South China Sea rili ah hin anti-ship ballistic missiles bomb pawl hna cu a mah nawl ngeihnak hmang in zei maw zat hneksak nak a tuah.China nih khi hmun ah zei dah a tuah ti cu fiang tein kan theih ko na in mi dang ral kan ven caah zei hmanh kan chim ngam taktak rih lo tiah Pentagon Lieutenant Colonel Dave Eastburn.

Source: BBC

Author: Salai Ephraim