US president Donald Trump Nih China He I Chawnh Biak Nak Caan Kan Ngeiti Lo

America president Donald Trump nih cun China ram nih President ithimnak an ngeih hlan paoh cu zei tik hmanh ah (trade deal) remdaihnak kan tuahpi hna lai lo.China he hmun khat ah rian t’uanti khawh nak ding le kan karlak ah itheihthiam lo nak kongah remdaihnak ser dingin kan i manh lo tiah Trump nih a chim.cun, China he hmun khat rian t’uanti dingin tawlrel le rian t’uan cuahmah mi cu mak a si lai.zei hmanh pehzulh a si rih lai lo tiah a chim fawn.

Trump nih cun Nikum March thla thok in China nih America ram chungah a thil zuar mi man in a hmunh mi chawva USD tld 250 tluk ah ngunkhuai 25% tluk in a rak lak hna.cu ruangah China zong nih an ram chungah America nih a thil zuar man a hmuh mi USD tld 110 tluk ah tam lak te ngunkhuai a lak ve hna i China nih cun mah tibantuk in thil kan tuah mi hi China nih America sin ah telrul kan cham nak a si tiah an chim.

 

Hi ruangah hin China a chawleh-chawhrol nak lei ah buaibainak le harsat nak tampi a tong.America le China hi pakhat le pakhat an i zum lo i tuchun nitiang remdaihnak taktak an tuah kho ti lo.China economy chawhleh-chawhrol nak lei kongah Trump nih a chim mi cu China cu a tuah hin chawleh-chawhrol nak lei ah harsatnak tampi an tuar cang i kum 22 tluk a pangma cangmi an lo tiah a chim.

Trump nih China ram he remdaihnak tuah a duh lo a si ah cun America ram chungah China nih a ser mithil ri hna cu an lotlau deuhdeuh lai i,America ram caah zongah harsat nak tampi a chuak kho tiah an chim.

Source: BBC

Author: Salai Ephraim