US Ram Uk Bawi Trump Biachim Cu A Fak Ko Vawleipi Ngandamnak Caah Rian Tuantu ( WHO) Cu Santlaih Nak Ngei Lo Nan Si Caah

Covid-19 zawt nak rai ruangah kan vawlei pi hi ram khat le ram khat i huat nak le ral a chuak lai lo tiah chim khawh a si loh.kan Pu Trump biachim hrimhrim hi thinphang chin lengmang ko cang.kan vawlei pi ngandamnak konghe pehtlai in rian t’uantu World Health Organization (WHO)cu Trump nih athawh hna i,santlaih nak a ngeilo mi nan si caah nan sin ah vawleipi ngandam nak caah phaisa kan pek pengmi cu US nih cun a pe ti lai lo tiah a phawmh hna.


Kan theih bantuk in World Health Organization (WHO)cu vawlei pi ngandam tein a um khawh nak ding caah tawlreltu or rian t’uantu an si na in Covid-19 zawt nak rai kongah a tu tiang damnak sii le i run ven nak sii an hmu kho taktak rih loh.cu ruangah Trump nih cun Covid-19 zawt nak rai kongah zei hmanh tuah khawh mi an ngeih lo caah vawlei cungah minung 1,456,214 an thi cang tiah (WHO)tu sual a phawt hna hi a si.

Cun,Tuluk ram in Covid-19 zawt nak hrik a chuah ka in tuchun tiangah.hi zawt nak hrik in i run ven nak le dam nak sii cu Tuluk nih a ser i Tuluk nih cu sii a sermi hna cu (WHO) nih a t’ha taktak maw t’halo ti mi hneksak nak a tuah hlan in Tuluk cu a thang t’hat lengmang hna pin ah Tuluk ram mi hna cu US ram chungah luh-chuak kho dingin US sin ah ruahnak a kan cheuh mi cu ningcang thil a si loh.Cucaah vawleipi ngandamnak caah ( WHO) sin ah phaisa a pek pengmi cu US nih cun a pe ti lai lo tiah Trump nih a chim.


American Hluttaw Marco Rubio nih cun Tuluk nih Covid-19 zawt nak i run ven nak le damnak nak caah a sermi sii-ai hna cu (WHO) nih hneksak nak zei hmanh tuahlo in a rak lak lengmang ruangah ( Data) t’ha lo tampi an i tel ruangah kan vawlei pi sumdawng nak lei zong t’umchuk lei a panh cuahmah cang.Cucu (WHO)ningcang tleih lo ruangah a si tiah a chim.a luancia February lio ah khan US cu (WHO) nih a rian t’uan nak caah US dollar million 122.6 thawh or pek dingin a theihter cang.asinain Trump US dollar million 122.6 cu kan pe hna lai lo US dollar million 57.9 tu kan pek hna lai tiah lehnak a rak tuah hna.Trump nih hi ti bantuk in (WHO) rian t’uan nak kongah bia a chim mi hi (WHO) nih lehnak a tuah rih lo tiah theih a si.

Source:BBC