American ram chung a si mi El Paso, Texas state Dayton khuapi le Ohio state chung i, tuksum i thah nawn nak a chuak mi kongah Republican hruaitu hna chungin micheu khat hna le Democtrat hruaitu pawl hna nih cun i lungrual in Trump cozah sual an phawt hna.cu pin ah Trump cozah nih a ram chungah mipi(civil) mi hna nih a tu tiang i duh tawk in meithal”GUN”an hman ko rih mi cu a cozah rian t’uan cuahmah mi hna nih an tawl rel awk a si tiah an chim.
Democrat, Senate Minority leader Chuck Schumer nih cun Majority leader Mitch McConnell sin ah a ran nak in “Senate Emergency Meeting”ton biaruah nak tuah ding in a chimh.hi ti bantuk in i thah nawn nak a chuah lio ah hin President Trump cu New Jersey state chungum mi Bedminster Club ah a um cuahmah lio a si na in,hi thawngpang a theih bak in Washington ah a kir i Morristown Municipal Airport in mithi chung vialte hna tuarpi nak a langhter pin ah ngeichiat tuarpi nak caah White House tarmi “Flag” cu muici dang in tar dingin a chimh hna tiah an chim.
El Paso, Texas khuapi chungah i thah nawn nak a chuak mi hi US Federal official pawl hna nih an chim ningah cun hi ti bantuk in ram chungah tuksum i thahnak a chuahtertu hna cu ralhrang case (domestic terrorism charge) in ka kalpi lai tiah an chim.hi konghe pehtlai in Mexico President Andres Manuel Lopez Obrador nih a chim ningah cun mithi hna lak ah hin Mexican ram mi an tam cem.mah hi a ngaingai kan ti ah cun US cozah nih ka ram mi hna a ven duh hna lo biatu a si tiah a chim ve.
Cun,Foreign Minister Marcelo Ebrard nih cun mithattu hna hi American nih biachahnak tuah piak lo in Mexican cozah sin ah kua hna sehlaw Mexican cozah tu nih a herh an ti ningin biachahnak tuah piak hna seh tiah an duh a ti.mi thattu pa Mr Patrick Crusiuz nih cun Democrats le Republican hna nih an rian t’uan ning a t’hat lo ruangah miphun dang hna nih kan ram an kan chuah i kan ram chungah mirum le thil ti kho ah an cang ram chung mi hna cu lungrethei taktak in an rak ka tuah ruangah a si tiah a chim.
White House Chief of Staff Mick Mulvanny nih cun President Trump cu Trump cozah nih ram chungah hi tibantuk thil a chuak leng mang mi hi felfai tein rian an t’uan awk a si.a tu tan thil a cangmi he cun ram chungah voi tampi tuksum ithah nak a chuak cang.cucaah hi bantuk thil hi voi khat hmanh a um ti nak hnga lo an tawl rel awk a si cang lai tiah a chim.
Source: BBC