USDP Nih Federal le Democracy a chimmi hi cu hlenthawinak velhle politic a si

By Rolian: USDP nih Federal le Democracy a chim mi hlen thawinak velhle politic a si.Kawl ram chung ramkheel party nih Federal le Democracy kong an chim cio. cu chung ah Party pical in chim ahcun NLD, USDP le Tlang cung Party hna hi an si.Hi chung ah NLD, USDP le Chin Party hna nih Federal le Democracy kong cu an chim cio i a hodah velhle in federal le Democracy kong a chim timi hi van langhter ka duh.2010 thimnak ah van kir than ta ko usihlaw, 2010 thimnak ah USDP nih 80% bak in teinak an rak hmuh. 2015 thimnak ah cun NLD nih zatuak 58% lawng in teinak a hmuh nain cozah a ser khawh.chim duh mi cu, USDP Party nih mipi sin ah Federal le Democracy hi kanmah USDP nih kan kal pimi hi a tha bik tiah an ti peng, zumh awk an tha hnga maw ruat hmanh usih.

Phunghram Article 435 (a) ning ahcun Federal kong a si ah Phunghram remh nak kong a si ah 75% nak tam vote hnu ah mipi sin ah cheu thum cheu hnih vote in remh ding ti a si.2010 thimnak result ning in, USDP nih teinak 80% bak an hmuh va si kaw ralkap 25% nih (teinak ti ko usih) an hmuh cia.Phunghram remh an duh ahcun Phunghram article 435 (a) nak nih a kham hna lo, 75% leng an kai khawh caah Phunghram remh an rak duh taktak ko ahcun 75% leng thazaang an rak ngeih ko I phunghram zong awlte in an rak remh khawh ko mi zei ruang ahdah an remh lo? hihi pei maw USDP nih Phunghram remh le Federal kong an aupi mi ka zumh lo bik hna nak a si cu.NLD nih Federal le Democracy hmuhnak ding ah phunghram remh a timh, asinain ralkap 25 le USDP 6% le tlangcung party zei maw ruang ah an remh kho lo.

Hihi NLD mawh si loin Phunghram ruang ah a si. NLD cu Phunghram nih a kham. 2010 lio USDP le ralkap cu phunghram nih a kham hna lo, phunghram remhnak thazaang 75% leng an aki lio ah zei ruang ahdah an rak remh lo, Phunghram remh an duh ko le federal an remh duh taktak ko ahcun ziah Phunghram remhnak thazaang tling 75% thazaang an ngeih lio ah an rak remh lo? na tuak bal maw? atu ahcun remh an duh zong ah NLD vote lo cun 75% thazaang an ngeih ve lo caah an remh kho ve ti lo.Phunghram remhnak ding thazaang 75% ngeih lio ah remh tung lo, phunghram remhnak thazaang ngeih lo hnu, mipi lungdawngh hnu le mipi sin vote hmuh duh ah phunghram remh le federal aupi mi Party cu maw kan zumh ko rih hna lai. hlen vialte lak ah a fak bik hlennak.

USDP nih cozah a tlaih kum ah President le Vice President a thim mi hna cu ralkap an si lawng si loin Ramkulh (state) kip Chief Minister hna zong 75% cu ral bawi lawngte an si.NLD nih cun Chief Minister caah ralkap nak in Political minung a thim deuh hna. a bik in Tlangucng miphun harsa mi miphun chung in Vice President tiang aa kan pek rih.Cucaah USDP nih 2010-2016 term khaat chung ah ralkap he I bawm in phunghram remhnak thazaang 75% leng an tlin lio ah Phunghram remh an duh lo nain atu ahcun heh tiah an au pimi hi hlennak a si caah USDP nih a au pimi Phugnhram remh le Federal le Democracy cu zumh awk tha lo bik ramkheel a si ti kha hngal ko hna usih.

Biahalnak

NLD Party le Tlangcung Party vialte khamtu phunghram 435 (a) nak bantuk in 75% lleng kai hnu ah phunghram remh ding tiah phunghram na ser I 75% leng thazaang na ngeih lio ah zei ruang ahdah phunghram na rak ser lo?Zei ruang ahdah Phunghram remhnak thazaang na ngeih lo hnu ah Phunghram remh ding na aupi?