USDP Nih Kum 2020 Ithimnak Cu Rampi Ah Teinak Kan Hmuh Lai I Hluttaw Thilti Khawh Nak Cu Kan Kut Ah A Um Lai

USDP Union Minister hlun a si mi U Aung Min nih cun kum 2020 Rampi ithimnak ah teinak kan hmuh lai i,Rampi cu kan kut tangah a um lai pin ah Hluttaw thilti khawh nak kha i cherhchan in rampi vialte hna zong kan mah nih kan control dih cang lai.USDP nih kum zei maw zat chung cu zei tik dah ram a thi cangmi kha ti toih t’han in a hram a corh khawh t’han lai tiah kan rak bawh mi cu a tu hi a caan a si cang lai tiah a chim.

USDP cu Leithuamnak Seh pahnih nih vawlei a thah cangmi bantuk kan si na in 2018-19 chungah khan Ks, 13 billions in cu kan vawlei a thi cangmi,cinthlak mi zei hmanh a si khoti lo mi,a hram hmanh a thi dih cang lai tiah kan ruah mi cu a corhter khawh t’han cang tiah a chim.Mandalay, Municipal nih cun USDP rian t’uantu le hruaitu upa minung 600 hna lak ah a ho dah ningcang lo in rian a t’uan i,a ho dah ziknawh-eihmuar nak thil a tuah tiah dothlatnak a tuah.

NLD pawl hna nih cun ralkap sermi phunghrampi ser dingin an tawlrel cuahmah ve.asinain ralkap lei nih NLD hna cu an duh ning bantuk in rian hma a kalter lai tiah ruah a si lo.Cucaah Belgium ram he a pehtlai in ram pawl hna he Kawlram cu pehtleihnak kan tuah lai i,vawlei cung ram 15 hna he rian t’uan dingin timhlamh cuahmah a si.Kawlram ah “Nurse” nau ngeihtertu an tlawm tuk ruangah 2020 in 21 karlak ah minung 4500 zong lak chap an si lai. MyitKyina le Mandalay karlak tlanglawng a suaimi zong (Air-Con) chiah dih a si cang lai tiah a chim.

U Than Htay nih cun hi tin a chim ve!Kum 2020 ithimnak konghe pehtlai in USDP zong nih a cozah tlai kho ding bak in timhlamhnak an ngeih cuahmah ve.USDP hruaitu U Than Htay nih cun hi tin a chim t’han rih tu kum 2020 ithimnak ah USDP nih teinak kan hmuh i a cozah kan tleih khawh bak a si ah cun,zeidang thil kan i hmaithlak hlan ah Rampi chungah Tlaanglo thlawh in a paw a cawm mi hna caah thil khuaruahhar kan tuah piak hna lai.


Cun,Tlaanglo rian t’uan in a paw a cawm mi hna nih an harsat nak le an tem tuar nak vialte hna hi kan theih piak thiam hna in,an caah bawmchan tu t’ha,thiltuah tu dingah hmun dang tein Tlangbawizung (Ministry) or (Vuanzi Thanah) ser piak le chiah piak an si lai tiah January 28 lio ah Rakhine ramkulh, Myan Aung khuami hna he ton biaruahnak an rak tuah lio ah U Than Htay nih a chim.a mah belte cu thil kan tuah khawh nak dingah cun thil har taktak cu a si.

Rampi chungah Tlaanglo thlawh le rian in a paw a cawm mi hna nih zei tluk in dah nan temtuar ti hi theih pengmi cu a si ko.a sinain cu bantuk nan tem tuar nak hna cu serpiak piak awk le van tungmer awk ah thil har takak a si.cucu USDP nih 2020 ithimnak ah tei nak kan hmuh bak a si ah cun Tlaanglo thlawih in a paw a cawm mi hna sining kha vun sersiam awh ah a thei cemtu cu kan mah ka si i,a cozah kan kai rual in mah cu kan tuah cawlh hrimhrim fawn lai tiah a chim.


Cun,2020 ithimnak ah USDP nih a cozah kan tleih khawh lo zongah a cozah a kai mi Party paoh nih cun Tlaanglo rian in a paw a cawm mi hna caah an in ruah piak hna i nan caah thil t’ha an i tuah piak khawh hna a si paoh ah cun kan nih USDP cu kan i lawm t’hiam ko lai.hi kongah hin USDP nih Tlaanglo rian in a paw a cawm mi hna caah bawmchantu Zung pakhatkhat serpiak hna dingah”Hluttaw”ah a rak chuahi taktak cang mi a si na in NLD nih a rak hlawt piak i,cu nak in a herh deuh mi hna cu Mei,Ti,Lam tu an herh deuh tiah biachahnak a rak tuah piak cang hna tiah U Than Htay nih a chim.

Source: MyanmarTimes

Related Posts