Var Tiva Hlei Dongh Kan Rawh Ah Cun Ralhrang Nak In Mipi Kan Tem Tuar Deuh Lai

Atutan Chinram ah a rak kai cuahmah mi ralhrang bu hna hi Chinram, Sagaing le Magway ram chung Mipi runvengtu ralkap an tei khawh hna lo ruangah an hruaitu Lutlai NE Commander an thlen hnu in a rak kai mi hna an si.an i timh mi cu zarh hnih chungah Chinram kulh cu kan lak lai i, Chinram mipi vengtu CDF le CNA cu kan lak hrimhrim hna lai tiah timhcia in a rak ra mi hna an si.hi ralhrangbu hna hruaitu ah Lutlai Commander pahnih an chiah hna tiah theih a si.

Asinain hi ralhrang a ra mi hna kongah ramkhel lei micheu khat hna nih cun ral doh taktak dingah ra lo in kan rian kan t’uan ko ti mi namneh nak sawhsawh ah nak caah le ral doh taktak dingin, mipi harsatnak pek taktak kha ai tim lo mi si hna seh law a dawh tiah a chim.hi ruangah Mipi cheukhat nih cun Var hlei pi cu rak rawh kanh ding an si, Lam kham in um kal nak t’ha lo dingin Lampi chah dih dingah an au khuang.angaingai tiah cun nikhat chungah rawk khawh ding thil tampi cu an um ko.

Var hlei an rak dongh lio ah khin 17 Billion man leng an rak dih pin ah Falam mipi hna nih di-ei kawl nak caah kan hman mi Lampi a si bantuk in Var Hlei rawh a si ah cun Falam mipi a car dih ding mi kan si caah Var Hlei rawh ding ti mi bia hna hi cu thil har tuk mi a si.Var Hlei rawh nak ding kongah voi tampi cu mipi nih rawh ding tiah an rak chim hi a tam tuk cang.Var Hlei kan rawk a si ah cun Ralhrangbu nak in Chin miphun mipi nih kan temtuar deuh lai.

Atu Kawlram buainak ruangah Bank system tampi rawk a si caah ralhrangbu nak in kawlram mipi nih kan temtuar deuh.Cucaah Var hlei rawh nak ding khuakhan nak in Chin miphun vengtu ralkap hna nih ralhrang dir hmun le sining cu an theih deuh caah Mipi lei nih duh paoh biachim le holh rel nak in an mah hmurka zoh in thinphang tuk le thlalau tuk lo in zeidah an tuah lai ti mi tu cuanh thiam kha a biapi deuh.

Note: hi capar hi Meifar Thuthang nih a tar langh mi chungin Halkha holh in ai dawh nak in vun thai chin mi a si.

Author: Salai Ephraim