Kan rak chim cang bantuk in American President Trump cu a nun nak caah thingphang a si cang i vawlei cung khrihfa vialte hna sin ah thlacam piak dingin an rak chim cang.cun Trump konghe pehtlai in tuzing ah khan Pathian nih a rak hman taktak mi Dr.Biily Graham i a fa pa Even.Franklin Graham nih cun a ra lai mi June 2 ah khin Vawlei cung Khrihfa poh poh in Trump caah thlacamnak kan nei lai tiah thawngzamhnak a tuah t’han rih.
Even.Franklin Graham nih cun Vawlei cung khrihfa vial hna kan um nak le hmunhma a khat cio lo bantuk in kan mah le um nak hmun,khua le ram cio in Khrih ah pumkhat kan sinak cu langhter in lungrual tein June 2 cu Trump caah biatak tein thlacamnak rak nei cio dingin kan sawm hna tiah a chim.
Zeicatiah cun Trump nih a nungmi kan Pathian nih American ram lawng si lo in Vawlei pumpi a hruaitu ding caah Pathian nih a thim mi le chiti a thuhmi a si.a tu ah Trump cu a mah pumpak ca lawng si lo in an Inn chungkhar hna tiang in t’ihnung dir hmun ah an um cuahmah pin ah American ram uk bawi vialte hna nih Trump bantuk in ral a nei mi le dohtu a nei mi an um hraw rihlo i a mah pakhat lawnglawng hi a si rih tiah a chim.
Cun American ram uk bawi vialte hna lak ah Trump bantuk ram a hruai kho mi le Vawlei pi remdaihnak caah rian a t’uan kho mi a ho hmanh an um rih fawn lo.a ra lai mi kum 2020 ithimnak ah Trump nih teinak a hmuh khawh nak hnga le US ram lawng si lo in Vawlei pi ah remdaihnak a ser khawh peng nak hnga caah June 2 cu Khrihfa poh poh nih lungrual tein thlacamnak kan neih piak hna lai tiah a chim.
Source: CNN
