Vawlei cung ah a min a hung thang cuahmah mi le mipi nih an uar taktak mi Mexico ram mi professional wrestler Mr.Cesar Barron (Silver King) cu London khuapi chungah ruahlo pi in thah a si tiah an chim.wrestler Mr.Cesar Barron (Silver King)hi a thih nak kongah bia fiang theih a si lo na in mi tampi hna nih cun a mah a dotu mi pakhat khat nih tuur(poison) hmang in an thah mi si sehlaw a lo tiah an chim.
Zeicatiah wrestler Mr.Cesar Barron a thih ning taktak cu thlanglei London Borough of Camden ( Roundhouse )timi Inn pi ah show a tuah cuah mah i cu show a tuah cuahmah lio ah cun a thi mi a si tiah a mah hawi kawm t’han a si mi hna El Hijo del Santo le aka Jorge Rodriguez hna nih an chim.
A mah belte Mexican media nih Mr.Cesar Barron ngandamnak konghe pehtlai in fianternak a tuah ve ningah cun minthang Mr.Cesar Barron hi taksa ngandam lo nak pakhat a nei i cu cu lungtur zawtnak ( heart attack) a nei mi a si tiah an chim. Mr.Cesar Barron a thih nak kong he pehtlai in t’uanvo neitu palik hna nih dothatnak an tuah tik ah London Borough of Camden ( Roundhouse ) Inn ah show a tuah cuahmah lio ah hin duk tiah a teng i a thih hi a si tiah an chim.
A si na in palik nih Mr.Cesar Barron cu lungtur dinh( heart attack) ruangah a thi tiah an chim mi cu Mr.Cesar Barron hawi le hna pahnih minthang El Hijo del Santo le Aka Jorge Rodriguez hna nih cun an zum kho lo i Mr.Cesar Barron cu mi ngandam a si ko, taksa damlonak a neih hi kan theih bal hrim lo tiah an chim.a mah belte Mexican media nih a chim ning cun si dawh cem a si ko tiah WWE zong nih a langhter.
Source: BBC
