Vawlei cungah Nuva a t’hen mi hna hi chim rel cawk lo an si.asianain Amazon neitu Jeff Bezos le a nu pi Mackenzie Bezos it’hen nak nih hin vawlei pi cu a cul dih ko.zeicahtiah Pi Mackenzie Bezos nih cun ka pasal Amazon neitu Jeff Bezos nih a kan t’hen caah t’hen man ah $38 billion a ka pek a hau tiah ningcang tein a hauh taktak ve i a hauh ning te cun a pasal Amazon neitu Jeff Bezos zong nih a nupi cu $38 billion pek dingin biachahnak a tuah.
Amazon neitu Jeff Bezos le a nu pi Mackenzie Bezos hna i a luan cia January thla ah khan Jeff Bezo nih mah tin a rak chim bal cang.ka nupi a si mi Mackenzie Bezos he kan it’hen lai.hi kan i t’hen nak konghe pehtlai in kan pahnih lung tling tein t’hen nak cu kan tuah lai tiah a rak chim bal cang.asinain an i t’hen nak konghe pehtlai in Court nih cikhat ah biachahnak a tuah piak duh hna lo i,ningcang te in an kongah biachahnak tuah a timh ruangah Court nih cun Amazon neitu Jeff Bezos cu na nupi Mackenzie Bezos cu ningcang tein t’hen na duh a si ah cun na ngeihmi chawva chungin $38 billion cu na nupi na pek awk a si lai tiah an chim.
Court nih cu ti bantuk in Amazon neitu Jeff Bezos sin ah an chim mi cu a t’ha tiah a cohlan i tuzarh chung hrimhrim ah hi it’hen nak konghe pehtlai in zei zong teah biachahnak tuah dih dingin Court nih a tawl rel piak cuahmah hna tiah an chim.cun,Amazon neitu Jeff Bezos le a nupi Mackenzie Bezos hna hi hmun khat an um lio ah rian a t’uant’i mi le hawi kom t’ha taktak um in a um mi hna an si.
Cu ruangah cun Mackenzie Bezos nih cun ka pasal a si mi Amazon neitu Jeff Bezos he it’hen hmanh usihlaw,hi kan it’hen ruangah Amazon neitu Jeff Bezos cu a rian bawmti lo in ka um hlei lai lo,cu hlan i a rian ka rak bawmh chanh ning bantuk tein a rian t’uanpi hawi si ding le a mah bawmchantu siding ah timhcia ka si i,cucu a tuah taktak fawn lai tiah a chim.
Source: Indian today
