Vawlei Cung Ram Tampi Khrihfa Hna Nih Harsatnak An Ton Mi Kongah Trump Sin Ah Bomh An Hal Cuahmah

Donald Trump American President sinak a vun tinco hnu in ramdang mi vun chim lo American ram mi khrihfa zei maw zat thah bak dingin biachah nak an tuah piak mi hna cu Trump nih a nawl ngeihnak hmangin a chanhchuah cang hna. Trump le a hnuzultu pawl hna nih biatak tein khrihfa biaknak an vun dirkamh hnu in American ram chungum khrihfa lawng hlah vawlei cung ram hmun kip um khrihfa pawl hna cu kan hna a rak ngam cio ve ti usih law kan palh tuk lem lai lo.

Hi ruangah Vawlei cung ram hmum kip ka kip ah a um mi khrihfa zei maw zat hna nih cun harsatnak an ton mi konghe pehtlai in an hruaitu hna cu Palai ah an vun thlah cio hna i,asi khawh chungin America president Trump cu ton khawh le biaruahnak ngeihpi an i zuam cuahmah.cun, hmun dangdang in a rak ra mi khrihfa hruaitu hna nih Trump cu a mah pumpak rian t’uan nak office chung bak ah an rak ton khawh taktak i,an mah le ram cio ah zumlotu hna nih khrihfa mi an sersat ning hna le harsatnak an pek ning kong an chim mi hna cu 100 ah 95 hrawng cu an i khat dih.

 

Cun, Ramdang dang in a rak ra mi Khrihfa an hruaitu hna Trump sin ah bawmhnak a rak hal mi cu kan ram chungah Khrihfa nih zalon nak kan ngeihlo caah kan ram chungah khrihfa mi hna nih zalong tein Pathian kan Biak khawh nak hnga?rak kan bawm tiah an chim cio.kan hnungzarh chungah khan Donald Trump nih cun American ram chungah Khrihfa mi hna humhim nak ding caah ti in ton biaruahnak a kawh i,cu ton biaruahnak ah cun ram 106 bak an itel kho.ram dangdang in a rak ra mi hna nih cun President Trump lawng lawng hi vawlei cung khrihfa an kan humhim tu cu a si tiah conglomhnak bia an chim.

Cun,ton biaruahnak an ngeih dih cun ram zei maw zat nih Trump sin ah bawmhalnak tuah dingin an cam hnawh hi a tu tiangah Trump sin ah bawmh halnaka tuah tu ram hna hi Sudan, China, Tibet, Pakistan, Iran, Myanmar, North Korea, Sri Lanka, Eritrea, New Zealand hna an si.Trump tong dingin a hngak cuahmah mi hna hi ram tampi khrihfa hruaitu an um rih tiah an chim fawn.Trump nih a leh mi hna cu nan mah le ram cio ah Khrihfa mi hna nih harsat nak nan ton mi cu nan mah le ram a cozah hruaitu hna sin ah a si khawh chungin chimh relpiak ka zuam lai.zeicahtiah Khrihfa mi hna nih Nuhrin covo kan ngeihmi cu a cozah nih a kan pek mi “right”a si lo i Pathian nih covo a kan pek mi a si caah,Khrihfa mi hna cungah mah bantuk thil tuah nak nawl hi mi zei cozah hmanh nih an ngeilo tiah a leh hna.

Credit: MWN

Related Posts