Vawlei Cung Ram Uk Bawl Vialte Hna Lak Ah Trump Tluk In Pathian Hmai A Kawltu An Um Lo

American ram chung a si mi Virginia state pakhat ah Mc Lean Bible Church ti mi a um i cu Biakinn ah a pum mi hna chungin minung 12 hna cu rak kah le thah an rak si.cun minung hlei 12 thah an si pin ah minung 4 hna cu fak taktak in hliam hma an rak tuar.cu mithi hna vuinak le pumh nak service an tuah cuahmah lio ah cun Trump cu ruahlo pi in a rak lang i an sin ah cun Biaktak tein Pathian a thangthat pin ah ngeih chiat nak a tongmi hna caah thla a cam ve tiah an chim.

Trump nih hi ti bantuk in Mc Lean Bible Church Biak inn ah va kal in ngeihchiatnak a tongmi hna caa thla a cam ve lai ti hi a ram mi,mi zei hmanh nih an zumhlo mi le an ruah bal lo mi a si.pumhnak service an tuah cuahmah lio ah cun zei hmanh chim phuang ta lo in Trump cu mipi hna sin ah a va dir ve.mipi nih an hmuh tik ah khuaruahhar taktak in an zoh dih tiah an chim.

 

Cun Mc Lean Bible Church,Pastor David Platt nih a theih tik ah Trump um nak ah cun a va fuh i Trump cu a ban in a va hruai i pulpit cungah cun mipi a member vialte hna hmuh khawh dingin a dirter.cu hnu ah Trump cu Pastor David Platt nih cun a members vialte hna he Trump caah thlacamnak neih piak dingin a sawm hna hnu ah thla an cam piak.asinain Trump nih ka khat taktak hmanh bi a chim lo tiah an chim.

Trump caah thlacamnak an neih lai ah cun Pastor David Platt nih cun Trump a dotu Congress hruaitu hna le Senate le Court biaceihtu vialte hna nih Trump an ral nak le lungput t’halo an neih mi vialte hna cu Thlarau nih mitvarnak a pek khawh hna nak hnga le Trump nih US ram felfai te le Pathian nih a duh ning tein a hruai khawh nak hnga caah thla kan cam lai tiah a chim.

Source: BBC