vawlei cung ram uktu President vialte hna lak ah a upa cem mi cu Tunisia ram President Beji Caid Essebsi hi a si.a mah hi a thih tiangah kum 92 a si.a mah tluk in kum 92 tiang si bu ah ram a uk kho mi an um loh.Tunisia ram hi North Africa ram khupi a si.kum 2011 hlan ah khan cun Tunisia ram chungah zalon nak zei hmanh an hmu kho loh.asinain 2011 ah Tunisia ram nih cun democracy zalon nak an hmuh i,cu le cangka in an ram mipi dihlak lungtlin nak in Mr Beji Caid Essebsi cu President rian an khingh.
Cun,President Beji Caid Essebsi bantuk in vawlei cungah President rian a t’uan chung a sau mi an um hraw rih lo. President Beji Caid Essebsi a thih nak konghe pehtlai in President office nih a chim ningah cun President Beji Caid Essebsi cu a kum khua lei in kum 92 a si cang caah a taksa ngamdam nak konghe pehtlai in Tunisia military hospital sizung ah chiah a si i,ruahlo pi in july 26.2019 ah khan a kan thih tak tiah an chim.
Tunisia ram president Zine El Abidine Ben Ali nih a rak uk lio ah khan President Beji Caid Essebsi hi prime minister rian a rak t’uan i cu lio ah cun fundamental rights, freedom of speech le free elections felfai tein an ram nih a ngeih khawh nak ding caah dinfelnak in rian a rak t’uantu a si fawn.a dinfelnak ruangah kum 2015 lio ah khan dinfel ruangah”Nobel Peace Prize” zong rak pek a si.
Cun, Tunisia ram hi a ra lai mi November thla ah khin ithimnak election an ngei lai.asinain President Beji Caid Essebsi bantuk tluk in dinfelnak a t’anh mi le a ral t’ha mi cu Tunisia ram ah an har ngaingai cang lai tiah an chim.
Source: BBC
