Pakistan ram hi ram sifak an si caah World Bank hruaitu hna zong nih chawva zei maw zat an rak cawiter cang mi a si na in a tu tan ah cun a letling bak in World Bank arbitration court biaceih zung nih cun Pakistan ram cu US dollar tld 5.8 cawiter dingin biachahnak a tuah piak ko hna.Pakistan cozah nih hin an ram t’hancho nak ding caah Tethyan Copper Company lian taktak mi he rian an t’uanti,asinain Tethyan Copper Company he rian an t’uan cuahmah lio ah Pakistan cozah nih cun a thli in an rian t’uan nak phaisa hna cu ningcang lo in a rak hman ziar.
Cun, Pakistan cozah nih rian a t’uanpi mi Tethyan Copper Company hi kum 2000 lio ah khan South America ram chung khuapi a si mi Chile ram ah Antofagasta Plc hrusitu hna le Canada Barrick Gold pawl hna nih an rak dirh mi a si.cun, Tethyan Copper Company hruaitu hna nih hin vawlei cung rampi hmun ah tlang a kangh nak hmun (Reko Diq) pawl hna ah biatak tein an cawh i thil man sung tampi an hmuh tawn tiah an chim.
Cun, Tethyan Copper Company hna nih hin a tu ah Iran ram pawng te a si mi tlang a kangh nak hmun ah leAfghanistan le Pakistan ram chung tlang kangh nak hmun ah biatak tein rian an t’uan i sui khur a co cuahmah mi hna an si.Tethyan Copper Company tawl reltu hna nih an chim ningah cun kum 2011 lio ah khan Pakistan ram chung mei kangh nak tlang cawh dingin Pakistan cozah he cu i pehtleih nak caah US dollar mtd. 220 cu kan rak pek hna tiah an chim.
Asinain biatak tein Pakistan ran chungah Tethyan Copper Company nih rian a vun t’uan taktak hnu cun Pakistan cozah nih i pehtleihnak kan rak tuah mi cu an mah nawl in hnawl piak an kan timh i,ningcang lo in kan chawva tu an rak hman tiah an chim.Tethyan company board hna nih cun World Bank hruaitu hna sin ah report nak an pek tik ah World Bank arbitration court nih cun Pakistan cozah cu a biakam ning in rian a t’uan lo ruangah ah Company phaisa a mah duh paoh in a rak hman ruangah US dollar tld. 5.8 cawiter dingin biachahnak an tuah piak hna tiah an chim.
Source: BBC
