ZEI RUANG AH DAH PARTY MIN TAR LO IN AN MIN TU IN KA TAR CHUNG?Kum 2020 Burma thimnak ah zei tluk i ṭanhmi kan ngeih cio zong ah zei party hmanh nih 100 ah 100 in teinak an hmu kho lai lo. NLD minung zong an tling lai, USDP minung zong an tling lai, Tlangcung party minung zong an tling te ko lai. NLD minung lawngte siloah tlangcung party minung lawngte an tling kho hrimhrim lai lo. Cucaah;
Pakhatnak; party kip in rian a ṭuan kho deuh dingmi, a dingfel dingmi, le chawva naak in ram le miphun kong ah ralṭha ngai in a dir ngam ding i ruahmi hna an tlin cio ding hi a herh tuk ti ka ruah caah an min bak i ka tar deuh nak a si. Minung kan i fian hnu ah a herh ning in party pawl an rianṭuan ning le an policy pawl zoh chih in pehzulh cio te ding ah ka hei ruah rih.
Pahnihnak ah; cozah fel, cozah ṭhawng a um khawhnak ding ah a fitmi le a ṭhawngmi dohtu (opposition) minung a um ve hrimhrim zong a herh. Cun, awan thangpi a ngei khomi a lenglei bu (pressure groups), Media, Chin student Union, Chin Youth Organization, Business Association tbt. pawl zong um a herh. Cu lo ah, daithlang, thathu cozah kan ngeih colh ko lai. Tahchunhnak ah NLD party pi lawng hi ṭhawng seh law thopaw hmanh ai veng zuam lomi vuipi bantuk a si lai i cenghngia le sahngar nih kan vok le ar vialte an seh dih ko hna lai.
Cucaah, ram hruaitu thim dingmi hna ah hin party kip in a fitmi le a thiammi pawl hi tar cio hrimhrim a herh ka ti caah an min tu in ka tar hna nak hi a si.Nizan i ka tarmi phu ah khan, telh ka duh ngai nain ka telh ngam lomi pakhat cu PU SUI HINGZ Sui Hingz hi a si. Kum 2015 ah khan ai cuh ve men lai ti ka theih pah nain ai cuh thai lo. Kum 2020 ah hin i cuh ve seh law ti ka duh ngai. Ai cuh ahcun, thim bak ding ah ka ruah. A konglam le a ruang chim chap hau lo in hngalh dih ciomi a si ka zumh.
Hmun (Myone) dang minung ka tar rih hna lo. Ka theihmi an um hna lo caah si rih. A theimi nih an chim cio te lai i ka theih zau te hna lai ti ka zumh. Halkha e zei e ti bia a um lo. Nan nih pawl ṭheu kha kuaih chih tim len hoi hlah uh.
Credit: VC Khenglawt
