American Trump cozah nih phunghram tampi a ser t’han mi chungah US ram luhnak ding VISA a tuahmi vial te hna nih mah hi theih hrimhrim awk a si ti ka ruah caah kan vun langhter mi a si.American ram chungah VISA in luh a tim mi vialte hna cu a tu hnu cun a cozah nih VISA a haltu hna an mah pumpak nih an hman mi(social media details) hna cu hal chih an si cang lai tiah a chim.
Cun social media details kan ti tik ah a fawi nak kan chim a si ah cun nang mah nih na tongh tham mi hna Facebook, Snapchat, Twitter, Messenger ,Instagram, Linkedin,email address le phone number tibantuk pawl vialte hna kha a dih lak in hal chih nan si cang lai tiah State Department regulation nih cun a chim.cun US nih mah bantuk in thil tuah a timh mi hi nikum lio khan kan tuah lai tiah an rak chim cang mi a si.
Cun hi phunghram nih hin US ram chungah Sianginn kai dingin Student Visa a sawk mi hna an si ah Working permit a hal mi hna vialte zong a huap dih hna caah ruah ning bantuk in US ram chungah Visa in kal a har ngaingai cang lai tiah an chim.hi phunghram ruangah a tu ah hin vawnlei cung ram kip hmun kip in US ram luhnak ding VISA an hal mi hna cu 14.7 million,Visa bak a tang ko rih tiah an chim.
US State department nih a chim ningah cun a cozah nih a tu bantuk in thil an tuah mi hi US ram humhimnak caah tuah mi a si i,kum zei maw zat tiang cu a tu phunghram hi zulh a si cuahmah cang lai tiah an chim.
Source: BBC