Voikhat Hmanh A Sungbal Lo Mi Brandon Vera Nih Aung La N Sang Hi Faktuk In A Deng Sualte Hnga Maw

Aung La N Sang cu dam tein Japan ram a phan kho cang. Heavy Weight World Champion Brandon vera he an i phomh nak ding ni le caan cu ni 3 te lawng a duh ko cang.Heavy Weight World Champion Brandon vera nih a chim mi cuAung La N Sang cu kei mah fans pakhat a si ko na in hi tibantuk in i phomh ding kan si caah midang nak hmanh in niatak chuah ka hau ko lai tiah a chim.

Vawlei cung mipi vialte hna nih a tutan i Aung La N Sang VS Brandon Vera an i phomh ding ni le caan hna cu cuanh cio a si.mipi tampi an hmuh ning hna le an zumh deuh mi hna cu an chim cio tik ah.Aung La N Sang cu Champion Brandon vera nih a tei lai ti hi an chim ngaingai cang.thin phang ngai cu a si ko.

Heavy Weight World Champion Brandon vera nih 13 October ah Aung La N Sang he ton ding ah a rak challenge lio ah khan hmun khat an um lio ah mipi nih zei tin dah lehnak a tuah te lai?tiah an rak cuanh hna na in Aung La N sang cu Middle Weight Champion cu fawi taktak in a cohlan hlan tik ah Aung La N Sang cu mipi nih an thangt’hat chin.asinain mipi nih an chim t’han mi cu Aung La N Sang nih a challenge tupa cu a ho a si a fiang ruan lo Heavy Weight Champion a si a si hi tiah t’hihpheinak bia an rak chim.

Aung la N Sang hi mit’ih ngeimi phun le a ralchia mi a si lo i pa raltha bak a si. Brandon Vera nih a challenge tik ah direct bak in a let khan cawlh bak ve ko. Brandon Vera nih a chim bantuk in Aung la N Sang zong nih Brandon Vera cu kei mah fans a si caah midang he kan i phomhnak hmanh in thazaang chuah deuh ka hau lai tiah a chim.

Cun,Aung la N Sang nih cun Brandon Vera hi kei mah pumpak caah cun ka upat ngaimi pakhat a si.hi tibantuk in kei mah he i phomh khawh nak dingin caan t’ha a ka ser piak mi cu a cungah ka lawm.kei mah zong nih biatak tein in ka zuam lai.ka lungthli in a mah he zei tik ah dah kan i ton khawh te lai tiah saduh ka rak that tawn.a tu ah cun a mah he phomh kho ding can ka hmuh mi cu kailawm tak a si ti a chim. 13 October ah hin Japan, Tokyo khuapi ah World Champion 28 hna he a i phomh nak a si lai i mah hi century ah a voikhat nak a si lai ti an chim.One Champion

Author: Salai Ephraim