Vuanci Sui Thio: Chuncung Lam Lei Ah Inn An Dirh Mi Vialte Hna Zong Rawh Piak Dih An Si Than Lai

Hakha khualipi sersiamnak ding caah hmundang ah inn 700 samhding timi chungah Chuncung lam le khua velnak lamkam i phungning lo inn sa mi pawl zong a rauh hlan ah cozah nih hrawhpiak an si than lai tiah inn hmun kongkau tawlrel tu Chairman zong a si mi vuanci Pu Sui Thio nih a chim.Cawbuk pawngkam inn hmun 717 samhmi pin ah hmun dang khuavelnak lam kam le Chuncung lam zong tampi samhding in ramkulh cozah nih timhtuahnak an ngei rih.

Atutan ah inn 700 hrawng a si i hi hnu ah inn 700 hrawng samh than a si rih lai. Cun khuavelnak lam kam zong hmun tampi a um rih, cu i Chuncung lam le khuavelnak lam kam i phungning lo inn sa mi vialte zong hrawhpiak dih an si lai. Khoika paoh ah phungning lo inn sa paoh cu hrawh viar ding. A ni le caan tu cu a fiang rih lo, hmun khat hnu hmunkhat duahmah in tawlrel an si ko lai tiah vuanci Pu Sui Thio nih a chim.

Kan nih cu cozah upadi ning in a tuah lo mi paoh kha hrawhpiak an si ko. Tha tein a um mi tu lawng tuahpiak an si ko lai. Cozah nih tuah hlah timi a tuah mi kha cu zeihmanh chim awk um ti lo. Upadi kha zulh cio a hau, cozah zong nih upadi hlathlai a hauh bantuk in mizapi zong nih hlathlai a hau. Cun kan Pi Aung San Suu Kyi zong nih Mon le Karen a tlawn lio zongah phungning lo inn sa pawl cu hrawhpiak dih ding le cu chungah inn ngei lo taktak an si ah cun ramkulh cozah nih tawlrelpiak hna u a ti mi zong a si tiah vuanci Sui Thio nih the chinland post ah a langhter.

 

Angaingai kan ti ah cun hi konghe pehtlai in Hakha khuapi cu Chin ram chungah khuapi pakhat a si bantuk in Chin cozah nih cun a si khawh chungin karhter chap le lianhter chap dingin an tawlrel cuahmah.asinain a Chin cozah le Hakha mipi karlak thil umtu ning zoh tik ah mipi tu nih kan Chin ram khualipi a si mi Hakha khua cu lianhter le kauter chap a duh lo mi ko khi an lo.a cozah rian t’uantu hna lawng sual kan phawt lengmang hna i,mipi tu hakkau ngai le mah zawn lawng ruat in khua kan sak ko mi hi teh zei tin na ruah?

 

Hakha khuapi cu kan pupa ro a si tiah a tu bantuk in loram ngeitu hna nih a hmunhma khi an ham bantuk in Chin cozah nih a si ko tiah pe dih hna sehlaw.Hakha khuapi cu Chinram khuapi a sinak in t’hial hna sehlaw teh? zei tin na ruah? loram ngeitu kan si a ti mi hna ko khih a buaibai t’hiam dingmi cu an si fawn ko hnga.

Author: Salai Ephraim