WA Nih Phungluut Lo In Pulrai Neihbu In Kan Hmun A Lut Mi A Bawmchantu Cu Thihdan Kan Pek

“Wa” hmunhma ah phungluut loin a luut i COVID-19 hmuh mi le cu he aa pehtlai mi thihdan pek timh”Wa” (Mahte Khuakhan lairelnak Nawlngei mi) hmun ah phungluutlo a thlithup in a rak luut mi sin in COVID-19 zawtnak hmuh a si ahcun a dam tiang thlopbul hnu ah aa tlak ning in dantat si lai.


Hihi Cozah ramri lei in siseh, Tlangcung hriamtlai dang hmunhma zong in siseh, atulio COVID-19 boruak lio ah Wa hmun ah luh kan duh lo, tiah cathanh an chuah.Cun, Wa ah rak luut ding in a bawmtu hna cu kum 20 in kum 30 thongtlak an si lai i hi thil a tuah hramhramtu cu thih tiang thong asiloah thihdan pek an si lai.Cun, Wa hmunhma ah riithaisii a phur i a zuartu cu biaceih zong a um lai lo.

 

Relchap: UN, US Le Nitlaklei Ram Hna Nih Mipi Bawmhnak An Pek Lioah China Nih SAC Sinah Dollar Nuai 6 Renglo Bawmhnak A Pek Ve. Myanmar ramchungah tuanchuah dingo simanking 21 cash Mekong-Lancang Cooperation Special Fund ningin China nih SAC cu US Dollar nuai 6 renglo bawmhnak a pek lai tiah SAC ramleng vuancizung nih a thanh.

Mekong kiangkap ram hna thanchonak timi tlangtar in China nih lakhruak in a tuahmi simanking ah khualtawnnak, zuarthlainak, tangka lei, nungphung, pawngkam zohkhenhnak, runvennak le saram kilven zohkhenhnak hna an i tel.Hi kongah China le SAC cu online in hnatlaknak minthutnak an ngei cang tiah theih a si.

Ralhrang nih nawlngeihnak an lakmi kongah ramchung ramleng in soiselnak le dohnak a fah tuk lioah China nih cun amah hlawknak lawng zoh in SAC cu bawmhnak a pekmi a si tiah min chim a duh lomi chawkhellei thiamsang pakhat nih a chim.

China le Mekong kiangkap ram Myanmar, Cambodia, Lao, Thailand le Vietnam nih Mekong-Lancang programe cu 2016 ah an thokmi a si. August US nih Myanmar ram ral le rai ruangah harnak nganpi a tongmi mipi hna cash US Dollar nuai 50 leng cu zatlangbu hna sinin bawmh dingah a thanh cang. UN, Europe ram hna le Japan zong nih Myanmar mipi bawmh dingin timhtuahnak an ngei. Culioah China nih mipi si loin mipi harnak a petu ralhrang bawmhnak a pek hi cu lung a fak, ing a puang, thin a hung ko.

Source: Myanmar Now