Yagon Mino Pawl Ralhrang Nih An Dawi Hna Ruangah Mino An Thi

Yangon ah SAC ralkap nih mino an dawi hna i inndot cung in 5 an tla i an thi, 2 an tlaih hna Yangon Ramthen Botataung 44 lam ah SAC ralkap nih mi an tlaih hna i mino cheukhat an zaam, inndot cung in mino 5 an tla i an thi, 2 an velh hna hnu an tlaih hna“Nihin August 10 chunlai ah SAC ralkap nih taih inndot ah an luhhnawh hna i mino 5 cu inndot cun in an tla i an thi. Minung 2 cu an velh hna hnu ah an tlaih hna. A thi mi 5 lak ah hin nu zong aa tel. Volunteers hna nih an ruak cu an kalpi hna,” tiah Botataung 44 lam um mi nih am chim.

 

Falam Peng ah SAC Ralrang nih Nu Pathum an Kah hna, Pastor Nupi a Nunnak a Liam.Nihin (August 10) zinglei ah Falam le Tlangrawn khua karlak ah SAC ralhrang nih naupawi nu a phormi motorcycle an kah caah naupawi nu cu a phei ah hliamhma a pu, tiah Chin National Organization (CNO) nih thawngpang an chuah.


A phei ah an kahmi naupawi nu hi Falam sikhaan ah aa piah i an tlun lei ah atu bantuk hin SAC ralhrang nih an kah hna hi a si. Amah a phortu pa zong SAC ralhrang nih an tlaih.Cun, Lungpi khua, Lungrang sang ah SAC ralhrang nih meithal kahthlok in an kah ruang ah innchung ah ummi AG Pastor nupi cu a ttaang ah meithal kuan nih a khen caah a nunnak a liam.

Zalai khuate zong ah inntang ah thinphang thlalau in aa thupmi tarnu cu SAC ralhrang nih an kah i, a thih le a nun lai fiang in theih a si lo. Zualhma hliam a pu. Nizaan August 9 thawk khan SAC ralhrang nih Falam peng Lungpi khua ah aruang um loin mortar bomb in chun nithlak an kah.

Falam peng khuate pawl ah SAC ralhrang nih mi tlaihkhihnak an tuah caah ahohmanh Falam-Rih le Falam-Hakha karlak ah tlunkal lo ding in CNO nih thawngpang an chuah.

Credit: The Chin Journal