Zei Ah Rel Huaha Lem Lo Mi Kawlram Zong Nih Covid-19 A Damh Kawh Taktak Ko Cang Hih

Kawlram nih a tu lio zawt nak hrik Covid-19 a that khotu sii ka ser khawh lai tiah aa timhlamh nak a chim lio ah mi tampi nih cun kan zum lo i US le ram dang fimthim hna hmanh nih an ser khawh lo mi Kawlram nih ka ser khawh lai ti cu thil si kho lo mi a si tiah comment nak ah tampi hmuh a si.asinain ci sii an ser hlan hmanh ah Naypyitaw sizung ah Covid-19 zawt nak hrik a kai mi pakhat cu damh a si cang tiah Dr. Tha Tun Kyaw nih a chim.

Dr. Tha Tun Kyaw nih a chim ningah cun Naypyitaw sizung ah Covid-19 a ngei mi hi (Health Department )nih felfai tein kherhhlai nak a tuah hnu ah a dam cang tiah sizung in an chuah cangmi kha a si ko na in zarh hnih chung cu a mah te lawng hmundang inn khang pakhat ah chiah rih a si lai.zeicatiah a mah hi Switzerland ram mi a si i kum 58 minung a si cang tiah a chim.

Cun,vawlei cung ngandamnak konghe pehtlai in rian tuantu (WHO) nih nawl a kan pek ning tein Naypyitaw sizung in chuahter a si hnu ah Naypyitaw khuapi chung hmun pakhat khat ah zarh hnih chung (Home Quarantine) pek a si lai i,cu chung cu a cozah zohkhenh nak tangah umter a si t’han lai tiah a chim fawn.

Switzerland ram mi Naypyitaw sizung ah Covid-19 zawt nak hrik a ngei i a dam tiah an chim mi hi UN office lei in rian t’uan mi a si.Naypyitaw sizungah caan zei maw zat an um hnu ah voi hnih bak ( test) hneksak nak an tuah i a taksa chungah Covid-19 hrik pakhat hmanh hmuh awk a um ti lo.zarh hnih chung zoh hnuh ah Switzerland ram ah kir ter a si te lai tiah a chim.

Source: DVB