Pu Lian Mawng nih a chim ningah cun Chinram a cozah hna nih Pupa ram an chuh mi hna konghe pehtlai in Pupa ro a kil vengtu hna ramchung ramleng upa pawl hna le hmun kip ka kip um mi rian t’uantu upa te hna nih kawlram phaisa sing 5000 leng dih in Yangon khuapi chungah i hmuh ton nak le lungduh biaruahnak kan tuah lai tiah a chim.
Cun,hi ton biaruah nak kan tuah mi ah hin Chin ram a cozah nih Loram ngeitu hna le Lothlo bu hna cungah rian an t’uan ning, Loram an chuh ning hna cu ceih chih sih a si lai.hi ton biaruahnak ah hin Ramchung ramleng um mi Loram kilvengtu upa hna le khua kip in Lothlo bu hna chungin an i tel dih fawn lai.
Cun,Biachim rel a thiam mi hna le Loram ngeitu hna nih kan hlan mi hna biaceiht (sihni) pawl hna zong lungduh biaruahnak an ngei lai.hi ton biruahnak ding caah hin Yangon khuapi chung Hotel pakhat cu phaisa sing 5000 dih in order cia a si cang tiah Hakha pupa ram a kilvengtu bu i an hruaitu Pu Lian Mawng nih a chim.
Amahbelte Hakha pupa ram a kilvengtu bu i an hruaitu Pu Lian Mawng nih zei tik ah dah hi ton biaruahnak cu ngeih a si lai tiah a ni le caan hna cu a chim lo i,a rauh hlan ah tuah a si lai tiah a chim.
