Zeiko Dah A Sual Hnga? UN Hruaitu Hna Nih Israel Ram Sualphawt Nak Ding Draft An Suai Cuahmah Fawn Hoi

US House nih Israel ram sualphawt nak ding caah vote lak nak a tuah i a sung cang.cu hnu ah UN hruaitu hna nih cun a thar bak in Israel ram sualphawt nak ding draft a suai cuahmah t’han hoi.naite ah khan Israel Prime Minister Benjamin Netanyahu nih cun American ram nih Israel ram a hmuh ning le a cuanh ning kong fianternak a tuah i, American ram ruangah Israel nih cun kan tem tuar ngaingai hi kong ruah ah cun Israel caah cun harsatnak lawng te a peh cuahmah lai.asinain American nih Israel ram cu zei tik hmanh ah a zoh sawhsawh lai lo ti fiang tein a lang tiah a chim.

Cun,Israel high court of justice biachahnak bantuk in Israel cozah nih cun Palestin ramri hna nih ningcang lo in West Bank le Israel ramri inn an sak mi hna cun an va t’heh piak dih hna tik ah United Nations Secuirty Council nih Israel ram nih a tuah mithil hna cu nu hrin covo zei ah a rel lo bia a si tiah sual phawt in Israel ram dantatnak ding biachah nak tuah piak a timh t’han.

Israel ram cungah hi tibantuk in dantatnak tuah dingin biasuu a chuahtu hna hi United Nations Secuirty Council hruaitu hna chung in an zapi te lungtlin nak a si lo in an mah lak ah chungtel a si mi minung 15 lawng nih Israel ram cu sual an phawt hna.asinain American Trump cozah nih cun Israel ram nih nu hrin covo zei ah a rel lo si lo in khi hmun ah inn an sak mi khi Palestin cozah nawl ngeihnak lawng an la mi a si caah le khi hmun cu Israel ram chung a si caah a tuah awk a si ko tiah a chim.

Hi lio ah hin UN chungtel Kuwait ram le Indonesia le South Africa hna nih cun Israel nih ram deihnak ser lo in Palestin he i doh peng a duh caah hi thil hi a tuah mi a si tiah an rak chim ve.cu tik ah American nih cun Israel ram lawng si lo in mi zei ram cung paoh UN nih biachahnak a tuah ah cun UN chungtel vialte hna lungtlin nak a lak ta mi a si.a mah belte cu a tu ah cun UN nih Israel ram kongah biachahnak tuah nan timh mi cu American nih cun kan pom pi hna loh.American lungtlin nak um lo in biachahnak zong nan tuah awk a si fawn lo tiah a leh hna.

 

Source: BBC