Italy ram khuapi a si mi Milan khuapi chungah Best FIFA Football Awards cu pek le sam an si na in Cristiano Ronaldo cu telh a si bak loh.Cristiano Ronaldo hi FIFA FIFPro Men’s Team of the Year chungtel a si fawn ko na in a tel bak loh.a caah cun a fak taktak khi a si ko.Best FIFA Football Awards latu ding hna cu minung pakhat hnu pakhat in an min an vun auh hna i pakhat hnu pakhat in state cungah an vun kaiter thluahmah hna na in Cristiano Ronaldo min cu pakhat hmanh an au ti loh.Cristiano Ronaldo mui hrimhrim hmuh awk a um lo.
Cun,hi tibantuk in Best FIFA Football Awards an pek lio hna ah hin Serie match Juventus le Brescia hna cu pumpululh an chuih cuahmah lio a si.cu karlak ah cun Italy ram khuapi a si mi Milan ah Best FIFA Football Awards an rak pek lio hna he an i tong.cu pin ah Best FIFA Football Awards an pek hna in suimilam 24 chung bak i din lo in pumpululh lentecelhnak a peh rih fawn.cucaah Portugal captain nih cun Best FIFA Football Awards pek nak hmun ah Cristiano Ronaldo muisam a langh lo nak hi hliamhma a tuar ruangah a si i,Turin club, league match zongah a mui hmuh awk a um lo tiah a chim.
Asinain Cristiano Ronaldo hawi t’ha a si mi Juventus lei mi Matthijs de Ligt hna cu Best FIFA Football Awards pek nak hmun ah hin a tel ve fawn.Milan khuapi hi Juventus khuapi in Turin le Brescia khua karlak ah a um mi khua a si i Cristiano Ronaldo hi itel duh sehlaw a caah harsatnak zei hmanh a um ding khi a si lo. Lionel Messi cu Malin khuapi in Spain a kir nak dingah minutes 90 lawng caan a ngeih bu in mipi hna hmuh khawh dingin Best FIFA Football Awards pek nak hmun ah hin a tel.
Hi konghe pehtlai in Cristiano Ronaldo nih cun a chungkhar hna he nuam taktak in lente an i celhti lio hmanthlak hna cu vawlei pi hmuh khawh awk in instagram in thlang a rak zamh pin ah midang soisel nak bia zong a chim chih rih.Cristiano Ronaldo nih a chim mi hna cu,”Amateur le Professional a t’hentu hna cu a tuar in tuar i ngaihthiam nak kan ngeih a hau.tuchun ah thil khuaruahhar kan tuah mi vialte hna cu zei hmanhlo bantuk men ah an canter dih. cucaah thil na duh mi hna hi na tuah dih kho lo men ko lai.asinain na timh mi ah hlawhtlin nak na hmuh khawh nak hnga ding caah cun hlawhtlin nak na hmuh khawh nak ding caah zei bantuk lam a si zongah na zulh a hau tiah a chim.khua a muihta hnu lawngah khuaceu cu a chuak ti kha philh hlah”tiah a chim.
