Zeiruangah dah CNLD Chin party nih teinak an hmuh a herh?Chinmi mipi hna nih CNLD an hmuh ning le an ruah ning hna ah cun CNLD Chin party nih tei nak va hmu hna hmanh sehlaw zei hmanh an tuah khawh ding le an tawltek khawh ding a um loh ti a si.NLD party lawnglawng nih teinak an hmuh a si ah cun Chin miphun ca zong ah thil t’ha tampi an tuah khawh lai tiah an ruah.
NLD a cah lawnglawng ah Kawl ralkap nawlngeihnak le phunghrampi an sersiam khawh lai ti a si.cu pin ah NLD nih cun Ralkap uk nak in luatnak an kan pek khawh lai i,Sal kan tan nak chungin lengah an kan chuahpi khawh lai tiah mipi nih NLD cu a tu tiang fek t’hup in kan i tleih ko rih.mah hi Tlangcung mi hna kan caah cun thil t’halo bik le a pawi taktak mi dirhmun timi cu a si.NLD party hna nih Chinram kulh tiangin an lak t’han a si ah cun Chin miphun cu kawl miphun hna kut tangah kan pil deuhdeuh lai ti cu a fiang mi a si.
Kum 2020 ithimnak ah kan mah Chinram chungah CNLD Chin party ka dir kamh lo in teinak an hmuh khawh lo a si ah cun NLD nih Chin miphun hna zulh khawh lo mi Phunghram an ser luaimai lai i,kan Chinram vun chimlo kan ngeih chun kan inn lo tiang hmanh in a cozah ta an kan ti khawh.cun, Chin mipi nih a tu lio ah NLD kan hmuh ning hna le kan i bochan ning bantuk in NLD nih Chin miphun sin ah rian an t’uan nemmam lai lo.Ralkap kut in zei tik hmanh ah an kan chuah duh fawn lai lo.
Atu lio Chinram kulh chungah a cozah le mipi karlak thil a cangmi hna hi na ruat bal ve maw?NLD nih phunghram a sermi cu mi zei hmanh nih an al ngamlo ruangah hi thil a chuah nak hi a si bik.Chinram kulh ah CNLD Chin party kan cahter a si ah cun NLD cu phungning tein bia a al ngam cang lai.Chinram ah CNLD kan cahter lo i,NLD nih a Chinram ah teinak a hmuh a si paoh ah cun Chin miphun cu kan dih taktak ko cang lai.Kawl ralkap chan ah Chinram hi Sagaing le Magway ramthen an lak cang.Kawl miphun hna kut ah caan saupi a um cangmi Chinram cu a ho nih dah a kan lak piak ne lai?
NLD nih cun Chinram cu an kan pe siang ne lai maw? NLD hruaitu Daw Aung Suh Kyi nih cun a pa nehnang lawngte a zulh cang,an mah Kawl biaknak le nunphung lawngte Chinram kulh chungah karhter a timh cang.NLD nih Chin miphun hna sin ah rak kan dirpi ulaw Chinram kulh tiangin teinak kan hmuh a si ah cun nan Chinram cu kan i pek t’han hna lai a kan ti mi ko kan lo i mipi cu an kan mawlhter dih ko cang rua!mah le hmuh ning chim phuan bia mu.