Pi Lalthazual cu ni zan zaan suimilam 11 hrawnah khan Aizawl khuapi a si chungah a um mi Civil Hospital ah Fapa te a nei i.Nau a neih dih tlawmpal ah ruahlo pi in thih nih a sah tik ah a thi a pit kho ti loh.Civil Hospital duty hngakmi hna nih Sibawi thiamsang deuh mi an kawh tik hna ah, cu an khawh/auh mi hna Sibawi cu an rau deuh tik ah suimilam 2 tluk hrawng a thi a put hnu ah cun a thi tiah ah an chim.
Athi a put in suimilam 2 tluk hrawngah cun an kawh mi hna Sibawi te cu an rak phan i an taksa umtu ning an chek hlat tik ah cun,Pi Lalthazual cu nau a neih nak ruangah a chuul a rak tler chih i thisen in an chuah nak cu a si tiah an chim. cun Pi Lalthazual a thih hnu zongah a thisen cu a chuak peng i zaangram taktak in a taksa cu thlopbul peng hau in a um tiah an chim.
Sibawi te nih Pi Lalthazual cu a thaw a dih hnu ah a chuul t’hatlo ruangah a si ti’n a chuul cu an hlonh piak i thisen zong tampi an pek t’han na in zei hmanh san a tlai ti lo.athisen tamtuk a rak chuah ruangah a si tiah a zohtu Sibawi te hna nih an chim.a thih nak konghe pehtlai in Aizawl khuapi chungah a min a thang bak mi Civil Hospital ah hin Sibawi thiamsang nih an umpi peng hna lo maw a si hnga?
Pi Lalthazual a thih ning ruah tik ah zaangfak taktak a si,zohkhenhtu hei nei sehlaw a nung ko hnga ti awk in.Aizawl Civil Hospital ah hin kan mah Chin mi, midam lo tampi hna zong nih kan fuh panh mi le i zohkhenhnak ah kan hman mi a si ve.Pi Lalthazual thih nak konghe pehtlai in mipi nih kan i ralrin taktak awk a si.
