A Mak Kho Tuk:Brazil Khrihfa Minung 3 Million Renglo Hna Nih Jesuh Min In Khualak Ah An Vak I Thlacamnak An Nei

Brazil ram khrihfa vialte hna nih Sao Paulo khuapi chungah an i pum hna i “Jesuh”sunhlawih nak caah ti in khrihfa minung 3 million renglo hna nih Khuapi chungah an buu pi in thlacamnak an tuah.cun, khrihfa minung 3 million renglo hna nih a tu bantuk in Jesuh caah ti in thlacamnak le lamzawh nak an tuah lio hi Brazil president rian a t’uan cuahmah mi president Jair Bolsenaro zong nih a hmuh tik hna ah a t’hu kho ve lo in mi bupi hna sin ah cun a vai itel ve tiah an chim.

Brazil ram chung Khrihfa vialte hna nih a tu bantuk in thil an tuah mi hi a min ah “March For Jesus”tiah an kawh.Brazil khrihfa mi hna nih hi tibantuk in thlacamnak an tuah lio ah hin Sao Paulo khuapi chung lampi hna le an ram chung hmun dangdang ah an zapi tein thlacamnak biatak tein an nei tiah an chim.cun,Brazil ram Khrihfa vialte hna nih March For Jesus ti mi thil an tuah mi hi kum khat ah voi khat an tuah tawnmi a si.a mah belte tukum tluk in thlacam ah a rak chuak mi an um bal rih lo tiah an chim.

Cun, a tubantuk in Brazil ram Khrihfa vialte hna nih hmun khat teah thlacamnak an tuah ah hin an ram uk tu bawi vialte hna le an ram le mipi vialte hna cu Pathian sin ah chanhnak an tuah pin ah Brazil ram ah remdaihnak a len khawh nak hnga le Brazil ram a him khawh nak hnga tlacamnak an nei tiah an chim.cun, Brazil ram Khrihfa hna nih an zumhnak a si lo ah,an i tleihmi Doctrine cu 1 Timothea 2:5-6 chung bia hi a si,(5 For there is one God, and there is one mediator between God and men, the man[a] Christ Jesus, 6 who gave himself as a ransom for all, which is the testimony given at the proper time)tiah a chim.

Cun, Kan Lai Baibal nih cun 1 Timothy 2:5-6,”Pathian cu pakhat lawng a si i,Pathian le minung karah ram nak sertu cu minung Khrih Jesuh lawng a si.A mah cu mi vialte tlanh nak caah a Lu a pe mi a si.cu nih cun caan a tlin tik ah Pathian nih mi vialte kha Khamh a duh hna ti kha a langhter i” tiah a t’ial.Brazil ram khrihfa pawl hna nih “March For Jesus”tiah tlacamnak an tuah mi cu hi Baibal Ca cang i chirhchan in Pathian Jesuh nih a mui mi lak in ceu nak ah a kan chuahter cang caah hi thil kan tuah mi hi a si tiah an chim.

Cun, zaalam pi ah cun Pathian thangt’hatnak ‘worship programme’ zong an tuah chih i Brazillian gospel band 28 nih an dih lak in tingtang le ringawi dawhdawh an tum i Brazillian hlasak thiam vialte han nih an aw dawh in Jesuh Pathian a si nak cu an thangt’hat.mipi hna hmai ka ah cun an President Bolsonaro nih biachim nak a nei i,cu hlan ah cun Brazil ram cu rak mui hmanh sehlaw a tu ah cun Khrih thawngin Brazil ram cu a ceu cang.Brazil ram sersiam nak ding caah kan dih lak in t’uanvo kan nei dih tiah a chim.

Source: BBC