Afghan Cozah Ralkap Pawl Hna Nih ISIS Le Taliban Ralhrang Pawl Hna Cu Nangarhar Khua Ah An Kah Cuahmah Hna

Afghan cozah nih a ram chung a si mi Nangarhar khua ah a um mi ISIS le Taliban ralhrang pawl hna cu biatak tein zahan ah an kah hna tik ah ISIS le Taliban ralhrang pawl hna nih cun Nangarhar khua um mi hngakchia kum tlinglo minung 12 hna cu coktarh ah hmangin Afghan cozah ralkap hna sin ah bomb tarh cia in an kalter hna.asinain Afghan cozah ralkap pawl hna nih an rak theih tik ah cu hngakchia hna an sin an phanh hlan ah bomb cu an puahter manh dih caang hngakchia 12 hna cu an dih lak in an thi tiah Thlanglei Afghanistan nih officials tein a chim.

ISIS le Taliban ralhrang hna nih hin Afghanistan ram chung Nangarhar khua in Pachiragam district tiang cu an mah kut tangah um ding in Afghan cozah cu an doh cuahmah peng ko rih.hi kongah Afghan cozah biachimtu Attaullah Khugyani nih cun khi hmun ah ISIS le Taliban ralhrang pawl hna nih cun a cozah an kan doh khawh nak dingahAfghan ram chung hngakchia zei theilo mi hna an hman cuahmah cang hna caah kan ram chung hngakchia hna an nun nak cu thinphang ngaingai a si tiah a chim.

 

Cun,a tu ah cun ISIS le Taliban ralhrang hna nih hmun khat ah i fonh in ral an doh mi cu khual tlawng lemle mi hna ca ko ah t’ih a nung i, Afghanistan ram lei ah a lut dingmi khualtlawng pawl hna caah cun,Afghanistan ram an luh lo ah a t’ha bik lai tiah an chim.nai teah khan Iraq ram chungah khuasa mi ISIS pawl hna cu American cozah ralkap le Iraq cozah ralkap i fonh in an kah cang hna i zei maw zat an thah hna.

Cun, Syria ramri ah khuasa mi ISIS pawl hna zong tampi an thah fawn hna i khuazei lei an zam cu an thei kho hna lo tiah an chim.ISIS ralhrang konghe pehtlai in hi tibantuk thil a hung chuak hi,American president Trump nih IS kan tei cang hna tiah thawngthanhnak a tuah hnu in ISIS pawl hna an vun ilangh hnu lawngte ah a cangmi a si tiah an chim.

 

Source: BBC