American Cozah Nih Kawl Ram Mipi Hna Sin Ah US Dollar 14 Million Bak A Pek Than

Nai teah khan kawl cozah ralkap tatmadaw pawl hna nih mipi an hrem ning hna le ningcanglo in mithil an chuah/velh mi hna ruangah American cozah nih cun dantat dingin biachahnak an rak tuah cang i cu an biachahnak cu kawl cozah Hlutdaw sin ah Ca an kuat cang.a mah belte kawl cozah ralkap nih kawl ram mipi hna sin ah thil t’halo a rak tuah mi hna li mi a thah mi hna,ningcanglo in mithil a chuh mi hna cu a cozah nih a cham hna i remdaihnak a tuah t’han a si ah cun kan i timh mi hna cu pehzulh a si lai lo tiah an rak chim.cu hnu ah a tu bantuk in thawng vun theih cu a mak ngaingai.

USAID group photo.

Cu ti bantuk in kawl cozah ralkap dantat dingah biachahnak a tuahtu hna cu US republican party hruaitu hna le democratic party hruaitu hna an si tiah kan rak chim cang.asinain USAID nih an chim ningah cun American cozah nih kawl ram chungum mi mipi harsa mi hna bawmhnak caah le zoh khenhnak caah US dollar 14 million kuat an si cang tiah a chim.cun hi bawmh nak phaisa i tuk dennak ram le mi harsa khun mi hna caah hman le phawt an si lai tiah an chim.

 

Cun American cozah nih hi tibantuk in kawl ram chung miharsa hna caah US dollar 14 million an kan bawmh mi hna hi a cozah nih kum 2019 chung budget chungah a telh chih mi an si tiah an chim.hi bawmhnak konghe pehtlei in USAID hruaitu hna nih cun Zung pakhat an tuah i,tu kum chungah Kachin, Shan, Rakhine miphun pawl hna minung ting 2 le thong 70 sin ah bawmhnak an tuah cang i mi zei maw hna cu a phaisa fai in an pek mi hna zong an um tiah an chim.

Cun kawl ram chung State le ramt’hen chungah Sianginn 4000 tluk ah Ca cawng lio mi Siahngakchia Vitamin caah 290000 kyats man hman a si pin ah changreu hna zong pek le hman an si tiah an chim.cun kawl ram chungah Nau pawi/Nai nei ding mi zoh khenhnak caah le an herhmi Vitamin caah zei maw zat phaisa cu World Food Program sin ah pek a si fawn tiah an chim.RFA