American President Donald Trump Nih Thlapa Cungah Khuaruahar Inn Kan Sak Lai

NASA, vawlei cung mifim thiam pawl hna nih an konglam an dothlat ngaingai mi Thlapa Sikeisen( Mars )cungah cun American nih hmunhma lak an timh i,khi Thlapa cungah a herh ning in ralthuam zong chiah chih a si lai tiah an chim.

American cozah nih an i timh mi konghe pehtlai in kum 1960 lio ah khan Soviet Union pawl hna le US cozah hna nih cun mi zei hmanh nih Thlapa cung a si lo ah (Universe)ah cun hriamnam ralthuam chiah le ser lo dingah biachahnak an rak tuah cang.

 

Asinain American Trump cozah nih cun tuah chih an i tim t’hiam i a thli in US nih hi thil tuah dingah US Space Force cu a ser i t’an biatak tein a rak la cang tiah an chim.hi thil kongah Russian le China nih cun US nih vawlei cung ram dih lak hna cu vancung (sky) or pakpalawng ah mi zei ram dah a cak deuh lai tiah a kan zuam cawh biatu a si tiah US cu an soisel.

 

Cun US Vice President Mike Pence zong nih US nih cun Apollo 15 Rocket hmangin kum 1971 April 1 lio khan Thlapa chung um vawlei le thinglung um ningcang hna cu felai tein dothlatnak rak tuah cang a si i kum 2024 ah khin cun US nih Thlapa (lunar orbit) chungah khin hmunhma felfai tein kan lak khawh cang lai tiah a chim.

 

Cun kum 2024 ah khin US nih cun Thlapa cungah Rocket cu kah t’han a si lai i,khi tik ah cun Thlapa cung kai dingmi ah Nu thim an si lai te lai tiah an chim chap fawn.NASA