American Trump Cozah Nih China Cu A Leet Bak In Phaisa Cawiter Than A Timh Ko Rih

American president Donald Trump nih cun UK ram in France ram ah D-Day hmang dingin a kal lio ah Reporter pawl hna nih cun China le US karlak thil umtu ning ko he pehtlai in Shannon Airport ah biahalnak an tuah tik ah Trump nih cun China cu US nih kan ram chungah a thil luhter man cu $200 tluk in kan lak hna i a mah belte cu China cu US nih cu hlan i $200 tluk nguankhuai kan rak lak tawn mi hna cu a tu ah cun $500 tluk in lak an hau cang lai tiah a chim t’han rih.

Cun Trump nih China cozah he an karlak thil kongah bia a chim lio ah hin China president Xi Jinping cu Russia cozah he an karlak thil kongah Russia ram ah cun a tlawng lio i Trump biachim mi hna cu zei hmanh lehnak bia a chim hraw rihlo tiah an chim.Xi Jinping nih a tubantuk in Russia ram ah khual a tlawn hi kum 6 chungah a voi 8nak Russia a tlawn a si tiah an chim.

Cun China le Russia cozah hna nih cun kaphnih ram rian an t’uanti nak ah US dollar itel lo in rian t’uanti ding le an cozah ralkap hna cu hmun khat ah raltuk cawn nak training nei dingah biachahnak an tuah fawn tiah an chim.cun Russia le China ram i pehtleihnak le rian an t’uanti nak ah cun US dollar muisam hrimhrim cuanter ti lo dingin timhlamhnak an nei cuahmah tiah an chim.

Trump nih a tu bantuk in China cozah cungah a tuah sermi cintawk neilo in a kaiter leng mang a si ah cun,ramdang mi hna nih a chuak sual lai tiah an t’ih mi le an phan cem mi Global Currency War cu a chuak lai lo tiah chim khawh a si ti lo,zeicatiah US le China cu vawlei chaw kawl nak ah a lian cem mi veve an si caah Global Currency War cu fawn te in an chuahter khawh tiah an chim.

Source: BBC