Australia thimnak ah vote a pek kho na in vote a pe duh lo mi cu an $20 an cawi pin ah an sining chim fiangnak an tuah ter hna lai

Australia thimnak pi cu a nai thluahmah cang. Ni 8 te lawng ai duh cang.kan nih Chin miphun zong ram misinak a la kho cang mi cu kan um nak hmun le sang cio ah vote kan thlak rih lo ah cun May 18 cu thlak hrimhrim a hai cang lai.Rammi sinak a la cang mi nih cun vote thlek hrimhrim a hau.rakhel paties pawl hi teh zei set met in dah kan zoh hna awk a si?

 

A pakhatnak,”rammi sinak a la mi paoh paoh nih kan duh le kan huam lo zongah vote thlak hrimhrim a hai lai.Vote thlak kan tlawlh/philh sual ah cun $20 fine a si lai.Asilo,zei ruangah dah vote na thlak khawh lonak kha chim/hrilhfiah a hau lai”.

 

Apahnihnak,”Australia ram ah Khrihfa mui a kengmi ramkhel party pakhat hmanh an um loh.Vote an ngah nak ding ah cun ramkhel arnu (political whore) ah an i chuah dih. Liberal party zong zei hlei lo. Labor party zong zei hlei lo an si”.

 

Apathumnak,”Independent parties hme tete pawl nih le mipem remlonak rumro in campaign an tuah ve hoi.”a palinak,” Chin community nih cun Labor a si ah ,Liberal an si ah -mi zei paoh nih Cozah tlai hmanh hna sehlaw kan miphun miaknak le t’hanchonak ah cun a t’ha bik in chawnhbiak le rian t’uanti dingin ready kan si ko.”

 

Apanganak,”Mipem he pehtlai in policy an ser tik ah Chin miphun ca lawngah ser a ngahlo,Australia ram ah hin Tuluk miphun hi 1.2 million hrawng an si cang.an mah ca zongah a hlei in policy ser awk zong a t’ha lo.”A paruknak,” 2011-2012 lio i Labor nih Malaysian Swap Deal,a rak tuah lio ah hin a thli thup in Chin miphun hi tam taktak in a rak kan lak.Mah cu Liberal nih an hrawh. PM a t’uant’hing Tony Abbot hruainak in an doh.Rak doh hna hlah sehlaw Chin mi hi a thong thong in an kan lak manh lai zumh cio a si.”

 

Ruahawk;” Chin miphun cu mipem le ralzam kan si caah kan mah bantuk miphun cungah le mipeem dawtnak lei ah an policy t’ha tein a chia mi party hi tha kan pek awk a si.Liberal le Labor an parties pahnih ning in Ralzam laknak le mipem mi miphun caah an policy zoh tik ah Labor nih a tei hringhren.Aluancia kum hnih chung Liberal cozah he kan i chawnh ning le biaruahnak (consultation)kan zoh tikah zei tluk an tuah mi policy a tha lo le kan community caah phurhrit a si ti chim len ko zngah an tuah cang mi thlen ti a um lo.

 

Kan hmih cuahmah le kan ton cuahmah mi cu nikhat hnu nikhat an sual deuh deuh,an cian deuh deuh. kan mah bantuk mipem caah zei paoh a fawi lo in an tuah chin thluahmah.chawnh biak cu an huam ngai.Asi na in ,an tuahsernak hi zoh tikah kawl ralkap buchoh(General)pawl an kuttang pawl nih buin fak taktak in an benh hna an rak ti mi ko khi ka lawhter theo hna.

Liberal cozah a kai t’han ah cun hramhram lo in mipem community pawl hi khuate lei thial kamnak program fak piin an tuah lai ti tiang in a phang mi an um.Australia miphun cu methlendennak a ngei tuk mi miphun an si caah an party policy hrimhrim ah mipem miphun hazaang a pe deuh kho mi paoh kan mah mipem ca cun a t’ha bik a si ko lo hme maw ti hi a ka ruah ter ngai ngai.

 

CHINCHIAH: Vote cu kan duh mi party paoh thlah/pek khawh kan si.kan mah nawl cio a si. Asinain, mipem hna si i mipem a daw tunglo mi vote pek cu khuaruah ngai awk a si ve. Mebourne Chin cimmunity ( Bichuah le Nitlak) hruaitu hna cu Liberal he Labor he tha tein ton nak le biaruahnak kan nei cang hna. Kan miphun ca cun mi zei an chuah paoh ah pehtleihnak tha cu kan ser khawh colh lai ka zumh.

Credit: Sang Hre