Brazil Ram Chungah Pathian Nih A Hman Taktak Mi Pa A Sining Cang Hi Rak Rel Hmanh Bawipa Nih Sunparnak Vialte Coseh

A tu lio Brazil ram chungah Pathian nih a hman taktak mi le Pathian min in thil a ti kho taktak mi Mr.Claudio Vieira de Oliveira cu a chuak ka te in a minung hawi bak in kut ke tlam tling tein a chuah lo caah vawlei doctor sibawi thiam sang pawl hna nih cun a hringtua Nu sin ah na fa hi a nung zong a nung lai pin ah nun har le tuar har ngai in a um ding a si caah a chuah ka te hin a nun nak na lak ah nan caah a t’ha lai tiah an rak chimh.

Cun Claudio Vieira de Oliveira cu a chuak ka tein a thaw zong t’ha tein a chuah khawh lo pin ah zoh har ngai in a taksa hna cu an rak um i,a rak zohtu a Nu hna nih cun an hawi leng midang hna sin ah a chuah langh ngamlo,zei tik dah a thawh a donghlai tiah an rak ruah,a taksa hna cu rulh ngeih bantuk bak khin a taksa hi an um i zoh ah a nung ding ruam khi a si lo,minung mui hmai hmanh a keng lo tiah an chim.

 

Cun a Nu hnuk zong a ding kho lo in a hringtu a Nu nih a ka chungah a hnuk hang cu a surh te in a surh tawn ti a si.asinain Pathian nih damnak le taksa cah nak cu a vun pek i a chuah in thlakhat hnu ah a taksa hna cu minung pa ngai taksa bantuk in a hung um i,a Nu hnuk tlawmpal tete in a din mi nih cun a vun ser siam tik ah,a Nu nih ka chung chuak fa a si caah ka that lai lo,ka cungah zei bantuk thil a tlun zongah a poi lo tiah biachahnak a tuah tiah an chim.

A Nu nih cun biatak tein a zoh khenh i harsak taktak in a hung t’hanliah tik ah TV, mobile phone, computer tibantuk hna le thil dangdang hna cu a um hmun tein a tonghtham leng mang tik ah a duhmi thil paoh cu fawn tein a tuah khawh dih,cu tik ah Pathian nih a cungah thil khuaruahhar a tuah mi vialte hna cu online chungin a chim phuan lengmang i a tu ah cun Brazil ram chung Pathian bia phuangtu hna lak hmanh ah Motivational Speaker minthang taktak mi ah Pathian nih a hman cang tiah an chim.