Britain: Trump Nih Nuclear Deal A Rawh Nak A Sullam Cu Barack Obama Rawh A Duh Caah A Si Tiah An Phomh Than Cang

Can zei maw zat chung American ram chungah Britain ambassador rian a rak t’uantu Memo putru ti mi nih cun American President Trump nih Iran cozah he Nuclear Deal an rak tuah mi a rawh nak a sullam taktak cu,Iran rawh taktak a duh ruang si lo in Trump nih hin Pu Barack Obama hi cawlcang kho lo ding bak in rawh a timh ruangah le American ram chungah si seh ramleng ah siseh Obama hmelchunh nak vialte hna cu rawh dih a timh catu ah a si tiah a chim.

Cun,Vawlei cung ram vialte hna lak ah (world power) tiah an kawh mi hna ram 6 hna le Iran ram hna nih cun Barack Obama rian t’uan nak tangah le Barack Obama nih a t’ha tiah nawl a pek hna hnu in nuclear deal cu an tuah mi a si.Trump nih Iran a doh chung paoh cu Trump nih Barack Obama a doh ti nak a si.Trump nih Iran a doh lo in Barack Obama tu a doh a si tiah a chim.Memo putru hi nai teah khan UK ambassador Sir Kim Darroch ai- awhtu ah an thim mi a si.

Cun, Britain ambassador rian a rak t’uantu Memo putru nih cun American ram le Iran ram konghe pehtlai in a chim t’han rih mi cu Trump cozah nih a tu bantuk in Iran an doh peng mi cu zei dang ruang si lo in,ram khat le ram khat i doh nak zong a si fawn lo,thin phang awk zong a um loh.zeicahtiah cun hi buaibainak cu pumpak thil a si.Trump nih Barack Obama a zuam cawh biatu a si tiah a chim.

Asinain Trump nih Iran ram he nuclear deal an tuah nak aa let nak a sullam cu Iran ram cu zumh awk an tlak lo ruang ah le thil t’halo a chuak kho mi a si caah American nih cun kan duh t’han lo nak a si tiah a chim.a mah belte Britain ambassador rian a rak t’uantu Memo putru nih thil sining le fianternak a tuah mi kongah Trump nih leh nak bia a chim rih lo.

Source: CNN