British Special Force Ralkap Pawl Middle East Ram Chungah An Lut Cuahmah Ve Cang

US le Iran cozah karlak thil pin ah nai te i Russian tilawng oil phurtu le sumdawng dangdang ti lawng pawl hna cu kah an rak si i,cu a kaptu ah cun Iran Revolutionary Guards pawl hna thilti a si lai tiah ruah a si.

 

Cu ruangah cun British cozah nih a cozah ralkap chung in a special force ralkap pawl hna cu Iran cozah a cawlcangh ning dothlat duh ah Persian Gulf le Strait of Hormuz hmun ah a thlah hna tiah an chim.

 

UK registered oil tankers (Special Boat Service) pawl hna cu Persian Gulf le Strait of Hormuz ah an him maw him lo?cun khi hmun ah Iran Revolutionary Guards pawl hna nih zei bantuk in dah an cawlcangh ti theih duh le Iran Qesham Island tikulh khua ah zei bantuk in dah an cawlcangh ti vialte dothlatnak an tuah dih lai tiah an chim.

 

Amah belte British cozah nih cun a ralkap pawl hna kongah bia fiang taktak zei hmanh a chim lo i Iran Revolutionary Guards pawl hna cawlcangh ning dothlatnak tuah dingah kalter an si ti vial lawng a langhter i zei dang bia a chap mi a um rih lo.cun a tutan i British cozah nih a ralkap special force pawl hna hi an zohthla taktak mi hna a cozah ralkap hna lak ah top lawng te a pek mi hna an si tiah an chim.

 

Source: CNN