Central Bank Nih Myanmar Phaisa Ah Aung San Zuklem A Cuanglo Mi Cu Hman Khawh Lo Dingin An Tuah Cang Lai

Kawl ram Central Bank Vice President U Soe Thein nih cun May thla dih lai bak in kal ram phaisa paoh paoh ah cun Bogyoke Aung San zuklem cu cuanter dih a si cang lai i Bogyoke Aung San zuklem a cuanglo mi kawl ram phaisa cu hman khawh a si ti lai lo tiah May 17 i kawl ram pumpi huap in a von thumnak Naypyidaw ah ton biaruahnak an tuah nak hmun ah a chim.

Cun Central Bank Vice President Soe Thein nih a chim ningah cun kawl ram phaisa ah Bogyoke Aung San zuklem tar ding hin a luancia kum 2017 lio khan a kawl cozah nih namnehnak le biachahnak a rak tuah cangmi a si i a cozah nih biachahnak a tuah ning bantuk tein Central Bank nih cun kalpi le tawlrel a si cang lai tiah a chim.

 

Asinain kawl ram phaisa cungah Bogyoke Aung San zuklem tarnak kongah ton biaruahnak an rak tuah lio ah hin a duh bak lo mi party hruaitu tampi an rak um ko nain cu hna pawl nih an duhlonak cu felfai tein dothlat a si i an duhlonak konghe pehtlei in ziknawh ei-hmuarnak lawng te in a rak khatmi an si caah an bia lak piak an si lo tiah a chim fawn.

Cun kawl ram phaisa ah e Aung San zuklem tar a duhlo mi hna hi e Aung San an huat ruangah si lo in leirawitu tampi an rak um menmen ruangtu ah a si i May thla dih lai bak in kawl ram phaisa ah cun Aung San zuklem tar a si cang lai tiah Central Bank Vice President Soe Thein nih a chim.

Ref: Mizzim