Chin Ram Le Miphun Vialte Hna Na Lung Fim Law Chin Party Vote Pe Cio Hna Usih?

Chin miphun le mino na lungfim.Atu kan chan hi chanchia ah kan um rih ko, kum 70 renglo ral taang buin le a chia zanmang sau chungin kan i bualcel hna lioah, Miphun dawtnak, hramsihnak, thisen tak khunnak tiangin Chin mino a kan hlautu ding CNLD Party pakhat cu hmunkhat ah kan dirpi a hau cang. Chinmi vialte nih vote hna sihlaw, dirpi cio hna usih, lungrual cu kan hriamnam teinak hmual asi lai.

 

A ho kuttang hmanh ah um a duh bel lomi Chin kan pupa hna lungput keng in hramhram lo a kan uktu uknak ttha lo hna CNLD (Chin Party) hruainak in nihin mino nih doh hna u sih. Lungfim a za cang lo maw? Hi kan caan tlawmpal te aa duhmi chung ah hin Phun “Clan” kan ttanh len awk a si ti lo hih. Chin timi tlangtar tangah kan i fonh viar awk a si cang ko lo maw? Chan zeizat remruam hme chanchia kan tuar cang. Nihin mino hna, sahlawh cingla le chungkhar lungput vialte hlo cang hna usihlaw Chin ram ah Chin party nih kan hruai cang seh. A caan a za cang.

 

Mi kuttang um nih a ka simh. Kawl pennak NLD le USDP hruainak nih a kan simh. Mah le ram ah mah miphun hruainak in zalongte khin hei tlong ninglaw tiah chun mang kan manhnak a sau cang. CNLD cu Chin Party a si. Kawl party a si loh. Midang party zong a si loh. Sahlawh cingla rualchan pakhat ca lawng hram bunh in dirhmi zong a si loh. Chin miphun vialte kan i funtom khawhnak Chin Party pakhat dirhmi a si.

 

CNLD Hruaitu pakhat Pu Zozam nih a chimmi cu, “Chin timi hi vawleipi nih a theihhngalh I, a dirkamhmi a si i a miphun nih kan dirkamh a herh ve. Chin miphun nih kan miphun hmelchunhnak ah Vapual (hornbill) kan hmanmi zong hi,at’hu sawhmi si loin a cawlcaangmi le a herh ahcun ral a do dingmi bantuk asi. Chinram cu Vapual tiram a si ban tuk in sa ram dang nih a hmunhma a chuh ding kan sian awk a si lo. Miphun(national) timi hi a biapi tuk.

 

Chin miphun kan sinak kan thi hrimhrim hi a sen ning a tak awk asi cang. Kan miphun sinak ah kan ifian awk a si. Democracy timi hi I tinh cio a si I, kannih cu lamphawk phun in hmuh aa timmi kan si lo, Democracy vial lawng si loin Federal hi Party tlaihtleng(policy) ah biapi in telh I dirpi a si.” tiah a chim.