Chin Ramkulh Chung Kalaymyo Ah A Sermi Phone Tower Pi Cu Ruahlo Ah Tek Nih A Tlak

Late update; Chin ramkulh chung a si mi Kalaymyo khua chungah an sermi (phone tower) tungpi cu Tek nih a tlak.hi phone tower tungpi hi Kalaymyo khua lai bak ah an chiah mi a si. Kalaymyo venglai an ti mi Baptist Biakinn hnu lei teah an phun mi a si.hi tibantuk in Tek nih a tlak hi July 2 zaanlei suimilam 4 hrawngah khan Tek nih a tlak hi a si tiah theih a si.

 

Cun, hi Tek nih a tlak nak ruangah hin phone tower pi he a pehtlai in battery zei maw zat cu an rawk i, wire hri zei maw zat hna zong a kang.asinain hliam a tuar mi cu a um hraw lo tiah theih a si.phone tower konghe pehtlai in t’uanvo neitu pawl hna nih lik-lak tiah pehzulh in rian cu an t’uan i a rawk mi le wire hri a kang mi vialte hna cu an tawl rel cuahmah lio tiah theih a si.

July 2 in Lai tlang lei hmun zei maw zat hna ah cun van ruahti a tla ngai i leimin nak hmun tampi an um.a bik in Kalaymyo ram kulh chung ko ah hin vanruahti a tla tam tiah an chim.cun, hi tibantuk in Kalaymyo um phone tower Tek nih a tlak ah hin a pawngkam hrawng cu meici le a meikhu tampi a chuah caah lam neih um mi pawl hna nih meici pawl hna cu ti an rak toih manh i mei kangh nak ngaingai cu a chuak hraw lo tiah an chim.

 

Cun,phone tower Tek nih a tlak in mipi nih meici ti an toih dih hnu ah cun meiphalhtu mitat pawl cu hawi hnu ah an rak chuak, mitat pawl an rak chuah tik ah cun meikangh nak a chuak ding si sehlaw mei a kang dih manh ding khi a si cang tiah an chim.

Credit: Free