China Cozah Le American Cu Washington Ah Donghnak Tonbiaruahnak An Nei Lai

American president Trump nih cun a ram chungah China ram thil luh man( Ngunkhuai)man hna cu tam taktak in lak t’han a timh rih hna.hi thil kongah hin US cozah le China cozah hna cu ( trade talk) an nei cuahmah peng rih i US cozah nih a ruah ning bantuk in China nih rian a t’uan duhlo caah US cozah nih cun China ram thil US ram chung luhter man (Ngunkhuai) cu 25% bak in santer a si t’han lai tiah a chim.

 

China cozah in US sin ah palai a thlah mi hna nih cun US he remdaihnak kan tuah khawh lo caah a donghnak taktak remdaihnak tuah t’han dingin US, Washington ah kan kal t’han lai tiah an chim.

Trump nih cun thla 10 chung ah China nih hin US ram chungah a thilri a luhter man hna cu 50% ah 25% tluk cu US sin ah ngunkhuai man a pek i thil dangdang man hna cu dollar tld.200 man a hmuh ah 10% tluk lawng ngunkhuai a pek tiah a chim.a si na in tu zarh ri in cun China nih US ram chungah a thil luhter man cu 25% lawngte in ngunkhuai a pek a hau cang lai tiah a chim.

Kan chim hmasa bangin vawlei cung ram dihlak hna lak ah China le American hi chawlehthalnak ah a lian cem mi ram an si bantuk in an karlak ah i theihthiam lo nak ruang an i pehtlaih nak a rawk cuahmah.cu ruangah US zong a tla i China zong a tla ve t’hiamt’hiam.an pahnih in an i pehtlainak le rian an t’uanti khawh nak hnga remdaihnak an tuah peng ko na in remdaihnak taktak an tuah kho rih lo.