China Le Myanmar Cooperation Seminar Cu Ca Cawng Nikhat Ni Ah Khan Feifai Tein Tuah A Si

Myanmar Economic Corridor rian t’uan nak tangah China le Myanmar sustainable development and cooperation seminar cu Ca cawn nikhat ni ah khan sunglawi ngai in Kawlram khuapi Yangon ah neih a si tiah an chim.cun hi Cooperation Seminar ah hin Center for Myanmar Affairs Studies, Myanmar le Institute of Myanmar Studies le China Yunna University pawl hna nih an tawlrel mi a si tiah theih a si.

Cun, hi seminar ah hin topic dangdang an chuahpi i cu topic vialte hna zong cu ceih chih an si.Green Energy Technologies and Sustainable Development, Governance: Problems and Challenges, le Progress of the China-Myanmar Economic Corridor pawl hna kong zong ceih chih an si.hi seminar ah hin Yunnan University Singhleirun a kai cuahmah mi Chinese scholar minung 5 an itel kho.

Kawlram lei in scholar minung 13 an itel.cun hi seminar hi kum 2018 May thla lio ah khan voi khat rak tuah a si cang.cun, a tutan seminor an tuah nak konghe pehtlai in Kawl cozah nih cun Myanmar Economic Corridor (CMEC) tangah Kachin state chung Kanpikete, Shan state chung Chinshwehaw le Muse state chungah economic border zone ser dih dingin lungtlin nak a tuah cang tiah an chim.

 

Kawlram le China ram rian an t’uanti nak ah an hmuh mi hi US dollar 4.3 billion tluk a tling cang.China le Kawlram rian an t’uanti nak ah chawva a luh tam cem nak hmun hi Muse, Lweje, Chinshwehaw, Kanpikete le Kengtung border gate in a si tiah an chim.

Credit: Vanglaini