China Nih Canada Minung Thah Ding In Bia A Khiah Piak Than Hoi

2018 December ah Huawei Executive Canada nih an tlaih thok khan China le Canada karlak hi a chia lei a panh chin lengmang cang. Canada Foreign Minister Chrystia Freeland nih cun China biakhiahnak hi kan duhlo, tiah a chim cang. Canada rammi a simi former diplomat Michael Kovrig le businessman Michael Spavor hna zong China kutchung ah an um lio a si. Hi minung pahnih hna zong hi thah ding in an kong an ceih piak hna  lai lo tiah chim khawh a si loh, tiah a chim.

China hi communist an sinak a lang lengmang ko. China court nih tukum chung ah a voi hnihnak Canada rammi sinak a ngeimi cu thah ding in bia an khiah/ceih piak hoi ko. Thah ding in bia an khiah paikmi hi sii phurtu a si, tiah puhmi a si. Cucaah China court nih cun hri in thlai ding in a bia an khiahpiak hi a si.

Tutan ah hrithlai in thah dingmi Fan Wei hin tukum chung lawngte ah China nih Canada rammi sinak a ngeimi a voi hnihnak thah ding in bia an ceih piak hna a si. Fan Wei sin ah hin ramdangmi minung panga le an mah China minung panga hna zong thah ding in an bia an ceih piak chih hna.