China/Tuluk Nih Indian Ram Ah Ramngiatu Drone Vanlawng A Thlah Ning Cu A Mak Ngaite

Vawlei cung ram vialte hna lak ah China/Tuluk ram hi technology lei ah cun a menbak lo mi ram an si.cun,a tu lio vawlei cung nih an buaipi ngaimi cu China ram thil chuak hi a si.China cozah nih cun a thil sermi hmangin vawlei cung ram kip cu ramngiatu a ser khawh i,ramkhat le ramkhat hna nih biathli thup an neih mi vialte hna cu China cozah nih a theih khawh leng mang hna.hi ruangah hin China ram hi a t’hacho nak cu a su khun.

American drone photo.

Nai teah Iran nih American ram drone vanlawng mawngtu nei lo a kah piak mi hna bantuk in arian a t’uan kho ve mi drone fa te cu China cozah nih a ser i,cu a sermi drone cu india ram a rak phan.China nih India ram a si mi Jammu and Kashmir khua chungah misual rual le ningcang lo in mi a that mi le,Nu tleihhrem ruangah le hmawngkhu in chaw a let mi etc..tibantuk a tleih mi thong a thlak nak (Kishtwar jail) chung thil umtu ning cu a rak ngiat thli tiah an chim.

Cu tibantuk in China drone fa te thonginn cungah a zelh len ko cu ( Kishtwar jail )thonginn a hngaktu palik hna nih an hmuh tik ah an tleih khawh i,a chung thil umtu ning zohfelnak an tuah tik ah China ram drone a si tiah fiante in an chim.cun, an tleih mi drone fate chungah hin Camera le SPY thilri lawng te an um tiah an chim.hi ruangah Kishtwar jail, Superintendent Mohammad Iqbal nih cun China cozah nih zei dah tuah a timh ti mi cu a ran nak in dothlat nak tuah dingin Order a chuah.

China drone photo.

Indian ram chung Kishtwar jail thonginn ah hin misual rual minung 101 thong ah an um cuahmah.mah hna chungah hin ralhrang minung 25 an itel i,cu ralhrang pawl hna cu China nih a dirkamh mi Pakistan ralhrang Jaishe Mohammed minung itel dawh an si tiah an chim.a mah belte China nih zei set dah tuah a timh tiah tehte a um rih lo i dothlatnak tuah cuahmah lio a si tiah an chim.

Source: BBC