Chinram Kulh Paletwa Peng Khua Sawmthun Cu AA Hmun Le Ram Taktak A Si Ko Cang Lai Hih

Chinram kulh a si mi Paletwa peng ah AA nih khua khat ah a tlawmbik minung 3 in an mah AA ralkap rian t’uan dingin nawl a chuah tiah theih a si.Paletwa ram kulh chung a si mi Pichaung pengtlang khua hruaitu vialte hna sin ah AA nih nawl a chuah mi cu theihternak zong a tuah dih cang tiah Chin World media nih cun a tarlangh.

AA nih nawl a chuah nak hmun le ram hi Chinram Paletwa ramkulh chung Pichuang pengtlang a si.hi Pichaung pengtlang hi Bangladesh ramri ah a um mi an si.Pichaung pengtlang chungah Khua 30 tluk an um nak pengtlang a si.


A luan cia kum 2019 lio ah khan Pichaung pengtlang khua hna ah cun an mah AA pawl hna nih kan ram tiah um hmun an rak khuar nak le an mah AA ramri an i suai/sermi Map tiangah an rak cuanter mi hmun le ram kha a si.


Cun Kawlram tualchung buaibainak cu AA nih can t’ha ah hmangin Paletwa ram kulh chung Pichaung pengtlang hmun kip ah a ram a kau cuahmah ve tiah khuami hna nih Chin World Media sin ah an chim.AA nih khua 30 hna cu khua khat ah minung pathum cio in an mah AA ralkap tla/t’uan dingin nawl a chuah mi cu june 1 ah khan thanh a si cang na in mipi lei in AA ralkap t’uan dingin ai thawh mi cu an um len na in thawngpang fiang kan thei kho loh tiah a chim chap.

Source: Chin World